O artigo 4 do Decreto 1/1991, do 11 de xaneiro, polo que se regula a concesión da Medalla de Galicia, establece as medallas que, anualmente, se poderán outorgar nas súas distintas categorías.
Tendo en conta o previsto no artigo antes indicado, o Goberno galego ten a vontade de outorgarlles a súa máis alta distinción ás persoas que se indican a seguir.
Polo tanto, por proposta do vicepresidente segundo e conselleiro de Presidencia, Xustiza e Deportes e logo do acordo do Consello da Xunta de Galicia na súa reunión do día catorce de xullo de dous mil vinte e dous,
DISPOÑO:
Conceder a Medalla de Ouro de Galicia a:
– Julián Barrio Barrio.
– Paolo Caucci von Saucken.
– Begoña Valdomar Insua, en nome dos hospitaleiros do Camiño de Santiago.
– Asociación Discamino.
– José Carro Otero, a título póstumo.
Santiago de Compostela, catorce de xullo de dous mil vinte e dous
Alfonso Rueda Valenzuela
Presidente
Diego Calvo Pouso
Vicepresidente segundo e conselleiro de Presidencia,
Xustiza e Deportes