O 31 de maio de 2022 (DOG núm. 103), publicouse o anuncio do Concello de Lobios sobre a aprobación da relación dos postos de traballo do devandito concello. Logo de ser detectado un erro na súa publicación, xa que o anuncio que había que publicar era o da oferta de emprego público para a estabilización de emprego temporal do Concello de Lobios, publícase este último en substitución do primeiro (o cal non terá efectos de información pública).
Mediante Resolución de la Alcaldía núm. 2022-325, do 11 de maio, aprobouse a oferta de emprego público para a estabilización de emprego temporal do Concello de Lobios, que cumpre as previsións da Lei 20/2021, do 28 de decembro, de medidas urxentes para a redución da temporalidade no emprego público, correspondente ás prazas que a continuación se apuntan:
Prazas cuxo sistema de selección é o de concurso de méritos (disposicións adicionais sexta e oitava da Lei 20/2021, do 28 de decembro)
Persoal laboral:
|
Denominación das prazas |
Vacantes |
Categoría profesional |
|
Peón/oa de obras |
1 |
Grupo IV |
|
Auxiliar de xardinería |
1 |
Grupo IV |
|
Auxiliar de axuda no fogar |
8 |
Grupo IV |
|
Educador/a social |
1 |
Grupo II |
|
Axente de emprego e desenvolvemento local |
1 |
Grupo II |
|
Arquitecto/a |
1 |
Grupo I |
|
Auxiliar de biblioteca |
1 |
Grupo IV |
|
Peón/oa de limpeza |
1 |
Grupo IV |
|
Chofer de rozadoira |
1 |
Grupo IV |
|
Socorrista |
1 |
Grupo IV |
En cumprimento do artigo 91 da Lei 7/1985, do 2 de abril, da Lei reguladora das bases de réxime local, e o artigo 70.2 do texto refundido da Lei do Estatuto básico do empregado público, aprobado por Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello de Lobios, no Boletín Oficial da provincia.
Contra a presente resolución, que pon fin á vía administrativa, pode interpor alternativamente ou recurso potestativo de reposición ante a alcaldía, no prazo dun mes contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense ou, á súa elección, o que corresponda ao seu domicilio, no prazo de dous meses, contados desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se optase por interpor o recurso potestativo de reposición, non poderá interpor recurso contencioso-administrativo ata que o primeiro se resolva expresamente ou se produza a súa desestimación por silencio.
Lobios, 31 de maio de 2022
María del Carmen Yáñez Salgado
Alcaldesa presidenta
