Mediante a Resolución da Alcaldía do 25 de abril de 2022 aprobáronse as bases e as convocatorias para prover prazas de persoal do Concello de Sanxenxo de:

– Tres postos de traballo de administrativos (persoal laboral), equivalente a grupo C/subgrupo C1. A través do sistema de concurso-oposición restrinxida mediante o procedemento de promoción interna.

O anuncio da convocatoria e das bases xerais e específicas están publicadas no Boletín Oficial da provincia de Pontevedra, do 13 de xuño de 2022.

O prazo de presentación de instancias para as convocatorias será de 20 días naturais, contados a partir do día seguinte ao da publicación deste anuncio no Diario Oficial de Galicia (DOG).

Os sucesivos anuncios referentes a esta convocatoria faranse públicos na sede electrónica do Concello de Sanxenxo https://concellodesanxenxo.sedelectronica.gal e cando cumpra, segundo a normativa vixente, no Boletín Oficial da provincia de Pontevedra.

Sanxenxo, 10 de xuño de 2022

Telmo Martín González
Alcalde presidente