Para os efectos de dar cumprimento ao solicitado polo Xulgado do Contencioso-Administrativo núm. 3 de Pontevedra, en relación co procedemento ordinario núm. 124/2022, interposto pola asociación con NIF G36055341 e a persoa con DNI 35292659X, contra a resolución desestimatoria ditada polo director da Axencia de Protección da Legalidade Urbafnística o 25.2.2022, no recurso potestativo de reposición, interposto contra outra do 12.2.2020 (expediente POL/55/2018), en que se impón unha sanción como responsables da comisión da infracción grave tipificada na Lei de costas e se ordena a restitución das cousas e a súa reposición ao estado anterior ao da comisión da infracción, debendo proceder á completa retirada do quiosco da parte frontal, dos aseos situados na parte central do recinto e a plataforma en que se apoia a caseta prefabricada de madeira, ata deixar a parcela vacante, esta dirección resolveu ordenar a remisión do correspondente expediente ao Xulgado do Contencioso-Administrativo número 3 de Pontevedra.

Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, de procedemento administrativo común das administracións públicas, se lle notifica por medio dun anuncio publicado no Boletín Oficial del Estado) emprázase a persoa con DNI 35929439N para que poida presentarse como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 24 de maio de 2022

Jacobo Hortas García
Director da Axencia de Protección da Legalidade Urbanística