Visto o expediente instruído para os efectos de transmisión da batea Cuco e da concesión administrativa que a ampara, resulta:
a) Antecedentes de feito.
Primeiro. Mediante escrito do 27 de abril de 2022, Ángel José Fajardo Hermo solicitou autorización para a transmisión mortis causa mediante pacto de mellora da concesión administrativa e da batea Cuco.
Segundo. A persoa interesada achegou a documentación requirida para a tramitación.
b) Consideracións legais e técnicas.
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia, modificada pola Lei 6/2009, do 11 de decembro, e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia.
Segunda. A Lei 2/2006, do 14 xuño, do dereito civil de Galicia (DOG núm. 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.
Terceira. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión mortis causa mediante pacto de mellora a favor de Alicia Fajardo Fernández (***3552**), da concesión administrativa e do establecemento que se indica a seguir:
Identificación:
Tipo: batea.
Nome: Cuco.
Situación:
Cuadrícula nº: 21.
Polígono: E.
Distrito: Caramiñal (A Coruña).
Especie autorizada: mexillón (Mytilus galloprovincialis).
Título habilitante: concesión.
Orde de outorgamento: 10.1.1968.
Remate da vixencia: 15.12.2029.
Actual titular: Ángel José Fajardo Hermo (***4150**).
Nova titular: Alicia Fajardo Fernández (***3552**).
Baixo as seguintes condicións:
A nova titular da concesión, queda subrogada nos dereitos e nas obrigas do anterior e, especialmente, subrógase en todas as obrigas contraídas polo transmitente en relación coa axuda tramitada, concedida e percibida mediante o expediente PE205J 2021/137-1, en concepto de subvencións para compensar os acuicultores que tiveran perdas de produción como consecuencia do gromo de COVID-19 cofinanciadas polo Fondo Europeo Marítimo e de Pesca (FEMP) por importe de 6.685,53 €. Así mesmo, a nova titular comprométese a non efectuar ningunha modificación fundamental das establecidas no artigo 71 do Regulamento UE 1303/2013.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a Consellería do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
A Coruña, 11 de maio de 2022
A conselleira do Mar
P.D. (Orde do 21.2.2022)
María José Cancelo Baquero
Xefa territorial da Coruña