Mediante a Resolución de Alcaldía deste concello, do 13 de maio de 2022, aprobouse a oferta de emprego público para a estabilización do emprego temporal, que cumpre as previsións da Lei 20/2021, do 28 de decembro, de medidas urxentes para a redución da temporalidade no emprego público, correspondente á/ás praza/s que a seguir se apuntan:
Prazas conforme o previsto no artigo 2 da Lei 20/2021:
Persoal laboral:
|
Grupo de clasificación |
Vacantes |
Denominación |
Sistema de acceso |
|
8 |
1 |
Encargado instalacións deportivas-socorrista |
Concurso-oposición |
En cumprimento do artigo 91 da Lei 7/1985, do 2 de abril, reguladora das bases do réxime local, e do artigo 70.2 do texto refundido da Lei do Estatuto básico do empregado público, aprobado polo Real decreto lexislativo 5/2015, do 30 de outubro, publícase a oferta de emprego público para a estabilización de emprego temporal do Concello da Merca, no Boletín Oficial da provincia e no Diario Oficial de Galicia.
Contra esta resolución, que pon fin á vía administrativa, pode interpor alternativamente o recurso de reposición potestativo, ante a Alcaldía, no prazo dun mes contado desde o día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Ourense ou, á súa elección, o que corresponda ao seu domicilio, no prazo de dous meses contados desde o día seguinte ao da recepción desta notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se opta por interpor o recurso potestativo de reposición non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio.
Todo iso sen prexuízo de que se poida interpor calquera outro recurso que se considere máis conveniente ao seu dereito.
A Merca, 27 de maio de 2022
José Manuel Garrido Sampedro
Alcalde
