En cumprimento da solicitude formulada polo Xulgado do Contencioso-Administrativo nº 2 de Santiago de Compostela na cal se ordena o emprazamento aos interesados, en relación co recurso contencioso-administrativo PO 477/2021, interposto por Naviera Mar de Ons, S.L., de acordo co artigo 49 da Lei 29/1998, do 13 de xullo, reguladora da xurisdición contencioso-administrativa, emprázanse cantos aparezan como interesados no procedemento de acordo do Consello Reitor de aprobación do prego tipo para o outorgamento de autorizacións para realizar actividades inherentes á autoprestación de servizo portuario especial á pasaxe nas infraestruturas portuarias competencia da Comunidade Autónoma de Galicia, para que poidan presentarse ante o Xulgado Contencioso-Administrativo nº 2 de Santiago de Compostela, no prazo de nove (9) días contado desde a publicación deste anuncio.
O que se fai publico para xeral coñecemento.
Santiago de Compostela, 11 de maio de 2022
Susana Lenguas Gil
Presidenta de Portos de Galicia
ANEXO
Expediente: PO 477/2021.
Demandante: Naviera Mar de Ons, S.L.
Demandado: Portos de Galicia.
Acto demandado: Resolución do 22 de outubro de 2021 pola que se anuncia o acordo do Consello Reitor de aprobación do prego tipo para o outorgamento de autorizacións para realizar actividades inherentes á autoprestación de servizo portuario especial á pasaxe nas infraestruturas portuarias competencia da Comunidade Autónoma de Galicia.
Acto publicado: emprazamento aos interesados.