Visto o expediente para outorgamento da autorización administrativa previa e de construción dunha instalación eléctrica que a continuación se describe:

Peticionario: Begasa.

Domicilio social: rúa Aller Ulloa, Ramón María, 9, 27003 Lugo.

Denominación: peche de anel LAT 20 kV aluminio, entre CT 13104 Lamaboa e CT 10291 urbanización Palmeiro.

Situación: concello de Xove.

Características técnicas:

– Liña soterrada de alta tensión aluminio a 20 kV entre CT 13104 Lamaboa e CT 6237 urbanización Palmeiro, 1, con orixe no CT 13104 Lamaboa e final na LSAT a 20 kV a CT 6237 urbanización Palmeiro, 1, cunha lonxitude de 375 metros en condutor RHZ1-240 mm.

– Liña soterrada de alta tensión aluminio a 20 kV entre CT 13104 Lamaboa e CT 10291 urbanización Palmeiro, con orixe no CT 13104 Lamaboa e final no CT 10291 urbanización Palmeiro, cunha lonxitude de 630 metros en condutor RHZ1-240mm.

– Reforma e automatización do CT 10291 urbanización Palmeiro, cunha potencia máxima admisible de 2×630 kVAS e unha potencia instalada de 2×630 kVAS, substitúense as celas actuais por dúas celas de liña motorizadas e telemandadas e dúas celas de protección todas elas con corte en SF6; realízanse novas pontes de MT entre as celas de protección e os transformadores e novas pontes de BT entre os cadros de baixa tensión e os transformadores, instálanse novos cadros de BT e adáptase o circuíto de terras.

– Desmontaxe de 120 metros de LAT soterrada e 280 metros de LAT aérea e a aparataxe convencional do CT urbanización Palmeiro.

Finalidade da instalación: mellora de instalacións.

Orzamento: 128.729,56 euros.

Documentación que se acompaña:

– Separata para o Concello de Xove.

Esta xefatura territorial, de acordo coas competencias que resultan do Decreto 230/2020, do 23 de decembro, polo que se establece a estrutura orgánica da Consellería, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:

En relación coa instalación de alta tensión, conceder a autorización administrativa previa e de construción a ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionado ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá realizarse por técnico competente.

Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular, canto establece a Lei 24/2013, do 26 de decembro, do sector eléctrico; o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas da alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante o vicepresidente segundo e conselleiro de Economía, Empresa e Innovación no prazo dun mes, a partir do día seguinte o da notificación ou publicación desta resolución; tamén se poderá interpor calquera outro recurso que se considere pertinente ao seu dereito.

Lugo, 12 de maio de 2022

Gustavo José Casasola de Cabo
Xefe territorial de Lugo