A xefa territorial de Pontevedra ditou a resolución de arquivo do procedemento sancionador 2021430AE-PO e dous máis por vulneración da normativa sanitaria como consecuencia do fallo da Sentenza 183/2021 do Tribunal Constitucional, polo que se declaran inconstitucionais e nulos varios preceptos ou incisos de preceptos do Real decreto 926/2020, de 25 de outubro, nos que se baseaban os acordos de inicio dos referidos expedientes sancionadores.

Tras intentar a notificación destas resolucións consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido efectuarse, polo que mediante este anuncio notifícase aos interesados o contido das resolucións que figuran no anexo, segundo o disposto no artigo 44 da dita lei, para o coñecemento das persoas interesadas.

Contra a presente resolución, que non pon fin á vía administrativa, poderán as persoas interesadas interpoñer recurso de alzada ante o conselleiro de Sanidade, Edificio Administrativo San Lázaro, en Santiago de Compostela, no prazo dun mes contado desde o día seguinte ao da notificación desta resolución, de conformidade co establecido no artigo 122 da Lei 39/2015, do 1 de outubro.

Este anuncio expídese para que conste e lle sirva de notificación ás persoas interesadas, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do BOE.

Pontevedra, 10 de maio de 2022

Natalia Botana Rey
Xefa territorial de Pontevedra

ANEXO

Número de expediente	DNI/NIE da persoa interesada	Último enderezo coñecido
2021430AE-PO	34951087B	Avda. Ángel Guimerá, 13, 5º G, 38003, Santa Cruz de Tenerife.
2021643AE-PO	45322529V	Beirarrúa da rúa Negrete, 55, 52003, Melilla.
2021857AE-PO	50243550G	Rúa Trompas, 6 G, 3º A, 28054, Madrid.