Mediante Acordo do 5 de abril de 2022, da Xefatura Territorial de Ourense, foi sometida a información pública a solicitude das autorizacións administrativas previa e de construción e da declaración de utilidade pública, en concreto, dunha instalación eléctrica no concello de Allariz (expediente IN407A 2022/31-3), o cal foi publicado no DOG do 3 de maio de 2022, realizando ao mesmo tempo a notificación aos particulares afectados.
De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, mediante este anuncio emprázanse os titulares dos predios que no anexo se relacionan para seren notificados por comparecencia, por non ter sido posible efectuar a notificación prevista na citada norma.
Os interesados, ou os seus representantes, deberán comparecer no prazo de dez días, contados a partir do día seguinte ao da publicación deste anuncio no taboleiro de edictos único (TEU) do Boletín Oficial del Estado (BOE), nas dependencias da Xefatura Territorial da Vicepresidencia Segunda e Consellería de Economía, Empresa e Innovación en Ourense, na rúa Curros Enríquez, nº 1, 3º (Servizo de Enerxía e Minas), das 9.00 ás 14.00 horas, de luns a venres. A eficacia deste anuncio queda supeditada á súa publicación no TEU.
Transcorrido o dito prazo sen efectuar a comparecencia, a notificación entenderase producida desde o día seguinte ao do vencemento do prazo sinalado para comparecer.
Ourense, 6 de maio de 2022
Pablo Fernández Vila
Xefe territorial de Ourense
ANEXO
Relación de afectados descoñecidos, de domicilio ignorado ou non notificados
Núm. de expediente: IN407A 2022/31-3.
Solicitante: UFD Distribución Electricidad, S.A.
Denominación da instalación: LMT regulamentación ALL805, renovación apoios números: BDPX9MXS//26-18-B-1 e DNVNHAC//28-20-B-2.
Termo municipal: Allariz.
Predio núm. en proxecto: 1; referencia catastral: 32002A00500080.
Lugar: Outeiro do Galo.
Cultivo: monte alto.
Titular: herdeiros de Feliciano Navarro (descoñecidos).
Afección: ocupación de 2 m2 para o apoio núm. 16-B-1.
Predio núm. en proxecto: 2; referencia catastral: 32002A00500053.
Lugar: Mazón.
Cultivo: monte alto.
Titular: descoñecido.
Afección: ocupación de 2 m2 para o apoio núm. 16-B-2.