En virtude do disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación dos actos administrativos no último domicilio coñecido das persoas solicitantes sen que esta se puidese efectuar por causas non imputables á Administración, a través deste anuncio notifícanselles os requirimentos de emenda das solicitudes ditados no procedemento competencia desta xefatura territorial ás persoas citadas no anexo, emprazándoas para que, no prazo de dez (10) días contados desde o día seguinte ao da data da súa publicación no Boletín Oficial del Estado (BOE), comparezan persoalmente ou debidamente representadas na Xefatura Territorial da Coruña da Consellería de Política Social, no Servizo de Prestacións, Inclusión e Inmigración (rúa Gregorio Hernández, nº 2-4, A Coruña), das 9.00 ás 14.00 horas, para ter coñecemento íntegro do acto. Transcorrido o prazo, de non facelo, terase por efectuada a notificación ao vencemento do devandito prazo indicado para comparecer.

Así mesmo, este anuncio publicarase no Diario Oficial de Galicia (DOG), aínda que a notificación quedará supeditada á súa publicación no BOE.

Advírtese que, de non efectuar a emenda no prazo de 10 días establecido nos requirimentos, contados desde o día seguinte ao da súa notificación por comparecencia, de conformidade co disposto no artigo 68.1 da Lei 39/2015, do 1 de outubro, daranse por desistidas das súas solicitudes, logo da resolución que deberá ditarse nos termos previstos no artigo 21 da Lei 39/2015, do 1 de outubro.

A Coruña, 4 de abril de 2022

María Blanco Aller
Xefa territorial da Coruña

ANEXO

Procedemento BS650G

Nº de expediente	Persoa interesada DNI/NIE	Acto administrativo	Data do acto administrativo
150004222	51092592R	Requirimento de emenda da solicitude	27.1.2022
150005522	X4485060Z	Requirimento de emenda da solicitude	27.1.2022
150017522	34903632M	Requirimento de emenda da solicitude	8.3.2022