Na sesión do día 31.3.2022, o Xurado Provincial de Clasificación de Montes Veciñais en Man Común de Lugo, por unanimidade, acordou aprobar os seguintes deslindamentos entre montes veciñais, e proceder ás oportunas modificacións nos expedientes correspondentes:
– Monte Común e Lameiros (exp. 73/80), pertencente aos veciños da parroquia de Paradela, e monte Alto da Serra (exp. 73/80), pertencente aos veciños da Serra, parroquia de Paradela, ambos no concello de Paradela.
O 29.6.2021 foi presentada unha solicitude (mellorada o 30.6.2021, 14.12.2021 e 28.2.2022) relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 25.3.2022, o Servizo de Montes emite un informe (2021_23) en que se especifican as modificacións que se producen nos montes, como consecuencia do deslindamento, e cuxas superficies pasan a ser:
− MVMC Común e Lameiros, 16 hectáreas
− MVMC Alto da Serra, 12 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo I, ao final deste anuncio.
– Monte Fiosa e Toxedelo (exp. 12/81), pertencente aos veciños de Ardevila, parroquia de Dorna, e monte Vilaver (exp. 105/78), pertencente aos veciños da parroquia de Vilaver, ambos no concello de Cervantes.
O 17.7.2021 foi presentada unha solicitude (mellorada o 10.11.2021 e 17.1.2022) relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Primeira Instancia e Instrución número 1 de Becerreá e certificacións de aprobación por parte das comunidades implicadas.
O 3.2.2022, o Servizo de Montes emite un informe (2021_28) en que se especifican as modificacións que se producen nos montes, como consecuencia do deslindamento, e cuxas superficies pasan a ser:
− MVMC Fiosa e Toxedelo, 148 hectáreas.
− MVMC Vilaver, 405 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo II, ao final deste anuncio.
– Monte Vilaxuste (exp. 19/75), pertencente aos veciños da parroquia de Vilaxuste, e monte Nespereira (exp. 17/75), pertencente aos veciños da parroquia de Nespereira, ambos no concello de Portomarín.
O 29.10.2021 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Portomarín e certificacións de aprobación por parte das comunidades implicadas.
O 11.2.2022, o Servizo de Montes emite un informe (2021_41) en que se especifican as modificacións que se producen nos montes, como consecuencia do deslindamento, e cuxas superficies pasan a ser:
− MVMC Vilaxuste, 472,7 hectáreas.
− MVMC Nespereira, 283,2 hectáreas.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo III, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 20 de abril de 2022
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo