A persoa titular do Servizo de Mobilidade da Coruña acordou a incoación do expediente sancionador XC-04164-O-2021 e tres máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse os acordos de incoación ditados ás persoas interesadas.

Son informadas de que os expedientes sancionadores se atopan á súa disposición nas oficinas do Servizo de Mobilidade da Coruña.

Outórgaselles un prazo quince días hábiles contado desde o día seguinte ao da publicación deste anuncio no BOE para alegar o que consideren conveniente, presentando ou propoñendo as probas que consideren oportunas.

No suposto que decida voluntariamente pagar a sanción antes de que transcorran trinta días contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

A Coruña, 6 de abril de 2022

César Concheiro Ceide
Instrutor xefe do Servizo de Mobilidade da Coruña

ANEXO

Expediente Matrícula	DNI/CIF denunciado	Infracción denunciada Data-Hora-Estrada-p.q.	Precepto cualificador	Precepto sancionador	Sanción proposta
XC-04164-O-2021 2493-GGT	76303319Z	Non levar a bordo do vehículo o certificado de conformidade deste, posuíndoo. 8.7.2021; 10.27; AC-552; 86,6	Artigo 142.8 da LOTT Artigo 199.9 do ROTT	Artigo 143.1 da LOTT Artigo 201.b) do ROTT	201 euros
XC-04165-O-2021 2493-GGT	76303319Z	Realizar transporte público ao abeiro dunha autorización caducada, revogada ou que por calquera outra causa perdese a súa validez. 8.7.2021; 10.27; AC-552; 86,6	Artigo 140.1 da LOTT Artigo 197.1 do ROTT	Artigo 143.1 da LOTT Artigo 201.i) do ROTT	4.001 euros
XC-04166-O-2021 2493-GGT	76303319Z	Realizar transporte público de mercadorías utilizando un/unha condutor/a que carece do CAP. 8.7.2021; 10.51; AC-552; 86,6	Artigo 140.18 da LOTT Artigo 197.19 do ROTT	Artigo 143.1 da LOTT Artigo 201.h) do ROTT	2.001 euros
XC-04529-O-2021 6408-JWT	51710381X	Atenuante-Realizar transporte público de mercadorías en vehículo lixeiro carecendo de título habilitante. 18.8.2021; 12.14; N-VI; 579,5	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros