Ao non ser posible a práctica de comunicación aos titulares das referencias catastrais que se relacionan a continuación por causas non imputables a esta Administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa, co fin de que no prazo de (15) días, que comenzarán a contarse desde o día seguinte ao da publicación do presente edicto no Boletín Oficial del Estado, os interesados no procedemento procedan á xestión da biomasa, segundo o establecido nos artigos 135 e 136 da Lei 2/2016, do 10 de febreiro, do solo de Galicia, e 21 da Lei 3/2007, do 9 de abril, de prevención e defensa contra os incendios forestais en Galicia, así como á retirada de especies arbóreas prohibidas a que se refire o artigo 22 da citada lei.

En caso de persistencia no incumprimento, logo do transcurso do prazo, outorgado procederase á execución subsidiaria sen máis trámites. A persoa titular do terreo ou do dereito de aproveitamento deste deberá facilitar o acceso ao suxeito que realice os traballos de execución subsidiaria, que poderá acceder sen necesidade de consentimento da persoa titular, agás aqueles supostos excepcionais nos cales o acceso afecte, dentro da parcela, espazos físicos susceptibles de merecer a cualificación de domicilio segundo o artigo 18.2 da Constitución española.

Se persiste no incumprimento despois do prazo outorgado, iniciarase o correspondente procedemento sancionador, sendo competencia da Xefatura Territorial da Consellería do Medio Rural, dunha sanción leve cunha multa de ata 1.000,00 €.

A eficacia do acto notificado quedará demorada ata a publicación do pertinente anuncio no taboleiro de edictos único (TEU) do Boletín Oficial del Estado (BOE).

Así mesmo, ponse en coñecemento da persoa responsable que o contido íntegro da citada notificación, así como da totalidade do expediente administrativo, está á súa disposción nas oficinas municipais do Concello de Vilamartín de Valdeorras, situadas na avenida Constitución, núm. 8, das 9.00 ás 14.00 horas, os días laborables, de luns a venres.

Vilamartín de Valdeorras, 29 de marzo de 2022

Enrique Álvarez Barreiro
Alcalde presidente

ANEXO

Nº de expte.	Ref. catastral	Persoa responsable	Liq. provisional de custos
332/2018	32089A015001650000QO	Descoñecida	78,20 €