O Pleno da corporación municipal, na sesión extraordinaria que tivo lugar o día 28 de febreiro de 2022, aprobou inicialmente a modificación puntual número 8 do Plan xeral de ordenación municipal, para a delimitación do solo de núcleo rural común de Magor.

De conformidade co disposto no artigo 191 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro, sométese o expediente a información pública durante o prazo de dous meses.

Durante o dito prazo poderá ser examinado por calquera interesado nas dependencias municipais para que se formulen as alegacións que se consideren pertinentes. Así mesmo, estará á disposición das persoas interesadas na sede electrónica deste concello (http://concellodesanxenxo.sedelectronica.gal).

Sanxenxo, 16 de marzo de 2022

María Deza Martínez
Alcaldesa accidental