Expediente: IN407A 2021/323-4.

Promotora: UFD Distribución Electricidad, S.A.

Denominación: reforma LMT ATI727 nas Madorras.

Concello: O Porriño.

Feitos:

Primeiro. O 17 de decembro de 2021, a empresa UFD Distribución Electricidad, S.A. solicitou a autorización administrativa previa e a autorización administrativa de construción do proxecto de execución da instalación denominada Reforma LMT ATI727 nas Madorras.

Examinado o proxecto de execución, conclúese que consiste na reforma do tramo ATI7270347 soterrando unha parte da liña, retirando apoios, instalando un novo apoio como final de liña e tendendo un novo van de 144 metros. As instalacións están situadas no lugar das Madorras, na parroquia de Mosende, no concello do Porriño.

Segundo. Esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello do Porriño, a Agencia Estatal de Seguridad Aérea, a Axencia Galega de Infraestruturas, a Confederación Hidrográfica del Miño-Sil e o Servizo de Infraestruturas Agrarias de Pontevedra. A empresa promotora manifestou a súa conformidade co condicionado emitido polo Servizo de Infraestruturas Agrarias de Pontevedra.

Os demais organismos non emitiron condicionados técnicos; enténdese, en consecuencia, a súa conformidade coa autorización de construción da dita infraestrutura eléctrica, conforme o disposto no artigo 131 do Real decreto 1955/2000, do 1 de decembro; sen prexuízo da autorización que lle corresponda outorgar.

Consideracións legais e técnicas:

Primeira. A Xefatura Territorial de Pontevedra é competente para resolver este expediente con fundamento no Decreto 230/2020, do 23 de decembro, da Vicepresidencia Segunda e Consellería de Economía, Empresa e Innovación, polo que se establece a estrutura orgánica da Vicepresidencia Segunda e Consellería de Economía, Empresa e Innovación (DOG núm. 5, do 11 de xaneiro de 2021) e no Decreto 9/2017, do 12 de xaneiro, da Consellería de Economía, Emprego e Industria, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

Segunda. A lexislación de aplicación a este expediente é:

Lei 24/2013, do 26 de decembro, do sector eléctrico.

Lei 39/2015, do 1 de outubro, do procedemento administrativo común das administracións públicas.

Lei 40/2015, do 1 de outubro, de réxime xurídico do sector público.

Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Lei 5/2017, do 19 de outubro, de fomento da implantación de iniciativas empresarias en Galicia (DOG núm. 203, do 25 de outubro).

Terceira. As características técnicas da instalación son as que a seguir se describen:

Retíranse dous apoios de formigón, catro apoios de madeira CH-1000/17,5 e 362 metros de condutor LAC-28 no tramo ATI7270347 no circuíto aéreo da LMT ATI727. Proxéctase o apoio C-2000/14 como final de liña.

Desmóntase o van existente no condutor LA-30 de 143 metros no tramo ATI7270347 na derivación ao CT Figueiras (36AB29) desde o apoio A1SVIRS2//T16-23) que se retira ata o apoio HV-630/14 (A1RODG2R//T16-23-1).

Liña de media tensión aérea (LMTA) a 15 kV con condutor tipo LA-56 de 144 metros de lonxitude con orixe no apoio proxectado C-2000/14 e final no apoio existente HC-630/14 (A1RODG2R//T16-23-1).

Liña de media tensión soterrada (LMTS) a 15 kV con condutor tipo RHZ de 520 metros de lonxitude, con orixe no apoio existente A22BPOEO//T16-17 e final no apoio proxectado C-2000/14.

As instalacións están localizadas no lugar das Madorras, na parroquia de Mosende, no concello do Porriño (Pontevedra).

Conforme con todo o indicado,

RESOLVO:

Primeiro. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada reforma LMT ATI727 nas Madorras, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condición establecidas nos condicionados dos organismos que constan no expediente.

Segundo. A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento deberanse cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

Terceiro. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante o vicepresidente segundo e conselleiro de Economía, Empresa e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 7 de marzo de 2022

Tomás Nogueiras Nieto
Xefe territorial de Pontevedra