En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental; na Lei 1/2021, do 8 de xaneiro, de ordenación do territorio de Galicia, e demais normas vixentes de aplicación, sométese a información pública a solicitude relacionada coa instalación que se describe a seguir:
Solicitante/promotora: Enel Green Power España, S.L.U. (CIF: B61234613).
Domicilio social: rúa Ribera del Loira, 60, 28042 Madrid.
Domicilio notificacións: rúa Fernando Casa Novoa, 35, portal B, 2º andar, 15707 Santiago de Compostela.
Denominación do proxecto: parque eólico Monte Neme (expediente IN661A 2007/04).
Concellos afectados: Carballo e Malpica de Bergantiños (A Coruña).
Potencia máxima do parque: 16 MW.
Número de aeroxeradores que se van instalar: 4×6 MW, cun sistema de regulación que se configurará para limitar a potencia activa máxima de parque a 16 MW de forma permanente, de acordo coa potencia admisible no punto de conexión (capacidade de acceso).
Produción neta: 56.526 MWh/ano.
Orzamento total (execución material): 18.458.962,00 €.
Prazo de execución: oito (8) meses.
Localización (área de afección):
|
Parque eólico Monte Neme |
|
|
A.D.E. |
Área de investigación Monte Neme |
|
Vértice |
Parque eólico Monte Neme Concellos de Carballo e Malpica de Bergantiños |
|
|
ETRS89 H29 |
||
|
UTM-X |
UTM-Y |
|
|
V1 |
522.030 |
4.788.864 |
|
V2 |
521.875 |
4.788.786 |
|
V3 |
521.630 |
4.789.030 |
|
V4 |
521.753 |
4.789.430 |
|
V5 |
520.679 |
4.790.237 |
|
V6 |
521.508 |
4.791.492 |
|
V7 |
522.857 |
4.790.732 |
|
V8 |
523.226 |
4.789.479 |
|
V9 |
522.265 |
4.789.128 |
|
Aeroxerador |
Parque eólico Monte Neme (Carballo) |
||
|
ETRS89 H29 |
Concello |
||
|
UTM-X |
UTM-Y |
||
|
WTG01 |
521.431 |
4.790.433 |
Carballo |
|
WTG02 |
521.892 |
4.790.546 |
Carballo |
|
WTG03 |
522.351 |
4.790.385 |
Carballo |
|
WTG04 |
522.562 |
4.789.892 |
Carballo |
|
Subestación |
Parque eólico Monte Neme (Carballo) |
|
|
ETRS89 H29 |
||
|
UTM-X |
UTM-Y |
|
|
A |
522.540,47 |
4.789.618,87 |
|
B |
522.561,13 |
4.789.597,18 |
|
C |
522.523,16 |
4.789.560,93 |
|
D |
522.502,46 |
4.789.582,65 |
|
Parque eólico Monte Neme (Carballo) |
|||
|
Torre meteorolóxica |
Coordenadas UTM fuso 29 ETRS89 |
Concello |
|
|
X |
Y |
||
|
TM |
521.672 |
4.790.790 |
Carballo |
Características técnicas das instalacións:
– 4 aeroxeradores de 6,00 MW de potencia unitaria, cun sistema de regulación que se configurará para limitar a potencia activa máxima de parque a 16 MW de forma permanente, de acordo coa potencia admisible no punto de conexión (capacidade de acceso). Aeroxeradores con velocidade variable e paso variable, altura ata a buxa de 115 m e un diámetro de rotor de 170 m.
– 4 centros de transformación tipo seco en góndola de potencia unitaria de 6.500 kVA e relación de transformación de 0,69/33 kV, coas súas correspondentes celas metálicas de seccionamento, manobra e protección.
– Rede eléctrica soterrada de 30 kV, de interconexión entre os centros de transformación dos aeroxeradores e a subestación transformadora do parque de 30/66 kV, composta por 2 circuítos con condutores tipo RH5 Z1 18/30 kV de seccións 240 mm2 e 95 mm2 de aluminio.
– Rede de terras xeral de modo que as instalacións electromecánicas e subestación do parque eólico forman un conxunto equipotencial. A rede de terras será con condutor de Cu-50 mm2.
– Rede de comunicacións constituída por condutor de fibra óptica que interconectará os aeroxeradores co centro de control situado na SET do parque.
– Unha torre meteorolóxica de 115 metros de altura.
– Subestación con transformador de potencia en intemperie, trifásico, en baño de aceite, de potencia 20 MVA ONAN/ ONAF, relación de transformación 66/33 kV, distribuído da seguinte forma:
• Parque de 66 kV en intemperie cunha posición ríxida de liña-trafo con regulación en carga.
• Un conxunto de celas de 30 kV formado por celas blindadas illadas en SF6 con configuración de simple barra e relés de protección incorporados, constituído por:
- 3 posicións de chegada de liña 30 kV dos aeroxeradores P.E. Monte Neme (1 cela de reserva).
- 1 posición de batería de condensadores.
- 1 posición de transformador, lado 30 kV.
- 1 posición de transformador de servizos auxiliares.
- Nese edificio tamén se atopa o transformador de servizos auxiliares de tipo seco de 160 kVA e relación de transformación 33/0,42 kV.
• Nos edificios proxectados situaranse tamén o centro de control, xunto coas comunicacións e proteccións.
– A evacuación da enerxía eléctrica producida no parque eólico realizarase a través dunha liña eléctrica aérea de alta tensión 66 kV que transportará a enerxía desde a subestación Monte Neme ata a subestación Cabana, que será obxecto doutro proxecto independente.
Obxecto da información pública:
A solicitude de autorización administrativa previa, a declaración de utilidade pública, en concreto, a autorización administrativa de construción, o estudo de impacto ambiental (EIA) e o proxecto sectorial de incidencia supramunicipal (proxecto de interese autonómico-PIA) das instalacións. A declaración de utilidade pública, de acordo co artigo 56.1 da Lei 24/2013, do 26 de decembro, do sector eléctrico, levará implícita, en todo caso, a necesidade de ocupación dos bens ou de adquisición dos dereitos afectados e implicará a urxente ocupación para os efectos do artigo 52 da Lei do 16 de decembro de 1954, de expropiación forzosa.
– Documentación que se expón:
1. O proxecto de execución (novembro 2019-vsdo. 21.12.2021) máis documentos complementarios.
1.1. Plano xeral do proxecto do parque eólico.
1.2. A relación concreta e individualizada dos propietarios de bens e dereitos afectados polo proxecto (RBDA), que figura no anexo que se insire neste acordo.
1.3. Planos individuais dos predios afectados polo proxecto.
2. O estudo de impacto ambiental (EIA) (decembro 2019-asdo.16.4.2021).
3. O proxecto sectorial de incidencia supramunicipal (proxecto de interese autonómico-PIA) (novembro 2019-vsdo. 21.12.2021).
De conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia, e isto faise público, para o coñecemento xeral, así como, en particular, dos propietarios dos predios que figuran na relación anexa a este acordo, e das persoas titulares de dereitos reais ou intereses económicos sobre os bens afectados que fosen omitidas, para que poidan examinar a documentación técnica anteriormente relacionada, e, se é o caso, presentar as alegacións ou observacións que estimen oportunas dentro do prazo de trinta (30) días, que se contará a partir do día seguinte ao da última publicación deste acordo.
A documentación estará á disposición dos interesados nas dependencias da Sección de Enerxía da Xefatura Territorial da Coruña da Vicepresidencia Segunda e Consellería de Economía, Empresa e Innovación (rúa Vicente Ferrer, 2, 2º andar, 15071 A Coruña, teléfonos 981 18 49 83 e 18 49 23), de luns a venres, das 9.00 ás 14.00 horas, así como nos concellos de Carballo e Malpica de Bergantiños (A Coruña). Ademais, tamén se poderá consultar no portal web da Vicepresidencia Segunda e Consellería de Economía, Empresa e Innovación a través da seguinte ligazón:
https://ceei.xunta.gal/transparencia/parque-eolico/monte-neme
A Coruña, 24 de febreiro de 2022
Isidoro Martínez Arca
Xefe territorial da Coruña
