Expediente: IN407A 2021/276-4.

Promotora: UFD Distribución Electricidad, S.A.

Denominación: recuamento LMT ATI701 de alimentación aos CCTT Censa, Egymsa e Inclasa e reforma do CS.

Concello: O Porriño.

Feitos:

Primeiro. O 5 de novembro de 2021, a empresa UFD Distribución Electricidad, S.A. solicitou a autorización administrativa previa e a autorización administrativa de construción do proxecto de execución da instalación recuamento LMT ATI701 de alimentación aos CCTT Censa, Egymsa e Inclasa e reforma do CS.

Examinado o proxecto de execución, conclúese que a infraestrutura eléctrica consiste no recuamento a subterráneo da liña de media tensión aérea que alimenta os centros de transformación Censa (36PA71), Egymsa (36PB03) e Inclasa (36PA48) e na reforma do centro de seccionamento existente. Para o recuamento da liña desmóntase a liña de media tensión aérea de alimentación aos centros de transformacións, substitúese un apoio existente por un CH 1000/15 e instálase unha liña de media tensión subterránea de 900 metros en catro tramos. As instalacións están localizadas no polígono industrial As Gándaras, no concello do Porriño.

Segundo. O 10 de novembro de 2021, esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello do Porriño e a Agencia Española de Seguridad Aérea. A empresa promotora manifestou a súa conformidade co condicionado técnico emitido polo Concello do Porriño. A Agencia Española de Seguridad Aérea non emitiu informe, entendéndose en consecuencia a súa conformidade coa autorización de construción da dita infraestrutura eléctrica, conforme ao disposto no artigo 131 do Real decreto 1955/2000, do 1 de decembro; sen prexuízo da autorización que lle corresponda outorgar.

Consideracións legais e técnicas.

Primeiro. A Xefatura Territorial de Pontevedra é competente para resolver este expediente con fundamento no Decreto 230/2020, do 23 de decembro, da Vicepresidencia Segunda e Consellería de Economía, Empresa e Innovación, polo que se establece a estrutura orgánica da Vicepresidencia Segunda e Consellería de Economía, Empresa e Innovación (DOG núm. 5, do 11 de xaneiro de 2021) e no Decreto 9/2017, do 12 de xaneiro, da Consellería de Economía, Emprego e Industria, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG núm. 22, do 1 de febreiro).

Segundo. A lexislación de aplicación ao presente expediente é:

Lei 24/2013, do 26 de decembro, do sector eléctrico.

Lei 39/2015, do 1 de outubro, do procedemento administrativo común das administracións públicas.

Lei 40/2015, do 1 de outubro, de réxime xurídico do sector público.

Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

A Lei 5/2017, do 19 de outubro, de fomento da implantación de iniciativas empresariais en Galicia (DOG núm. 203, do 25 de outubro).

Terceiro. As características técnicas da instalación son as que a seguir se describen:

Reforma do centro de seccionamento (CS) existente Censa coa instalación de dúas celas SF6 á barra existente de ATI701, unha cela de LMT para alimentar o CT Inclasa e unha cela de tensión para alimentación dos servizos auxiliares e do telecontrol do CS.

Demontaxe da liña de media tensión aérea (LMTA) aos centros de transformación Censa (36PA71), Egymsa (36PB03) e Inclasa (36PA48).

Substitución do apoio A4AE3PKL//8 por un apoio CH 1000/15 que se dotará de PAS e XS.

Liña de media tensión subterránea (LMTS) a 15 kV con condutor RHZ en catro tramos:

1. De 158 metros de lonxitude, con orixe no empalme a realizar na liña ATI7010138 de RHZ1-240, cara o CS Eulogio Mato (36CGW8), e final no CS existente.

2. De 164 metros de lonxitude, con orixe no CS existente e final no CS Pol. A Granxa (36CCV8).

3. De 251 metros de lonxitude, con orixe no CS existente e final no XS 36HP15 que se vai substituír no apoio existente A4A75ER//6-1.

4. De 327 metros de lonxitude, con orixe no CS existente e final XS 36HP17 que se vai instalar no apoio CH 1000/15 proxectado.

As instalacións están localizadas no polígono industrial As Gándaras, no concello do Porriño (Pontevedra).

Conforme con todo o indicado,

RESOLVO:

Primeiro. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada recuamento LMT ATI701 de alimentación aos CCTT Censa, Egymsa e Inclasa e reforma do CS, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

Segundo. A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento deberanse cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09 e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

Terceiro. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante o vicepresidente segundo e conselleiro de Economía, Empresa e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 1 de febreiro de 2022

O xefe territorial de Pontevedra
P.A. (Decreto 230/2020, do 23 de decembro;
DOG núm. 5, art. 36.3 e 37.1)
Eugenio Fernández Piñeiro
Xefe do Servizo de Administración Industrial