Ao non poderse efectuar a notificación no domicilio do propietario por encontrarse ausente, faise pública a resolución de execución de orde de execución para a xestión da biomasa vexetal, que esta alcaldía acordou no exercicio das súas atribucións. O interesado dispón do prazo dun mes, contado a partir do día seguinte ao da publicación do anuncio no BOE, para executar a orde de xestión da biomasa vexetal. Faise advertencia de que, en caso de incumprimento desta orde de execución, e de acordo co establecido no número 4 do artigo 136 da Lei 2/2016, a Administración municipal procederá á execución subsidiaria, de acordo co establecido no artigo 22.4 da Lei 3/2007, do 9 de abril, de prevención e defensa contra os incendios forestais de Galicia.

Nº expte	Asunto	Propietario	Ref. catastral - Localización da parcela
947/2019	Orde de execución para a xestión da biomasa vexetal de parcela	Hros. María Luisa Lorenzo Rojo	36005A201000700000ML sita no Cruceiro de Santiago-Godos-Caldas de Reis

Recursos. Contra esta resolución, que pon fin á vía administrativa, pode interpoñer, alternativamente, o recurso de reposición potestativo, ante o alcalde deste concello, no prazo dun mes contado desde o día seguinte ao da recepción desta notificación, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpoñer directamente recurso contencioso-administrativo, ante o Xulgado do Contencioso-Administrativo de Pontevedra, no prazo de dous meses contados desde o día seguinte ao da recepción desta notificación, de conformidade co artigo 46 da Lei reguladora da xurisdición contencioso-administrativa. Se se opta por interpoñer o recurso de reposición potestativo, non poderá interpoñer recurso contencioso-administrativo ata que aquel sexa resolto expresamente ou se producise a súa desestimación por silencio.

De se interpoñer o recurso potestativo de reposición, este deberá ser resolto e notificado no prazo dun mes, segundo establece o artigo 124.2 da referida Lei 39/2015, e entenderase desestimado o recurso de reposición polo transcurso do mencionado prazo sen resolución expresa notificada, de conformidade co establecido no artigo 126.3 do mesmo texto legal. Daquela os interesados poderán interpoñer o recurso contencioso-administrativo dentro do prazo de seis meses, contados desde o día seguinte a aquel en que se deba entender presuntamente desestimado o recurso de reposición interposto, conforme o establecido na Lei reguladora da xurisdición contencioso-administrativa.

Caldas de Reis, 2 de febreiro de 2022

Juan Manuel Rey Rey
Alcalde presidente