Na sesión celebrada polo xurado provincial o día 20.12.2021, figura o seguinte acordo:

Montes Riazoi, Caseiro, Reboira e da Costa, pertencentes aos veciños da parroquia de San Pedro de Mera, concello de Lugo.

O 5.3.2020 tivo entrada unha copia da Sentenza 520/2019, do 17.12.2019, ditada pola Audiencia Provincial de Lugo. Na súa resolución estima a demanda e declara que o predio descrito no feito primeiro da demanda, denominado Penas Blancas, pertence en plena propiedade á demandante e condena a comunidade do monte veciñal a se ater á dita declaración.

De acordo coa sentenza, o 7.12.2021 o Servizo de Montes emitiu un informe (2020_15) en que se especifican as modificacións resultantes nos montes Riazoi, Caseiro, Reboira e da Costa, que pasan a ter unha superficie de 59,8417 ha. Achégase esbozo da situación actual do monte veciñal afectado pola sentenza.

Examinada a sentenza, o xurado, por unanimidade, acorda dar cumprimento ao establecido nela e proceder ás correccións oportunas, coa incorporación do novo esbozo ao expediente.

Ao descoñecerse o nome e enderezo dos posibles titulares de dereitos e intereses sobre o referido monte, por medio do presente anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o devandito acordo.

Este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.

Lugo, 17 de xaneiro de 2022

Mª Olga Iglesias Fontal
Presidenta do Xurado Provincial de Clasificación de Montes Veciñais
en Man Común de Lugo