Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o xurado, na reunión que tivo lugar o 17.9.2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión celebrada polo xurado provincial o día 20.12.2021, figuran os seguintes acordos:
– Monte Signada (exp. 8/78), pertencente aos veciños de Signada, na parroquia de Mosteiro, concello de Navia de Suarna.
O 13.7.2020 tivo entrada unha solicitude asinada polo presidente da comunidade, para que se proceda á revisión do esbozo conforme a documentación que achega. Tras o requirimento oportuno, a solicitude foi mellorada o 4.8.2021 e 16.8.2021.
O 16.9.2021 o Servizo de Montes elabora unha proposta de novo esbozo (2020_30) na que a superficie do monte de Signada pasa a ser de 99,35 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo I, ao final deste anuncio.
– Monte Cadaval, Louseiras e Toxal Novo (exp. 15/98), pertencente aos veciños de Vilaseñor, na parroquia de Vilarente, concello de Abadín.
O 15.9.2020 tivo entrada unha solicitude asinada polo presidente da comunidade, para que se proceda á revisión do esbozo conforme a documentación que achega. Tras o requirimento oportuno, a solicitude foi mellorada o 9.8.2021.
O 1.12.2021, o Servizo de Montes elabora unha proposta de novo esbozo (2020_42) na que a superficie do monte de Cadaval, Louseiras e Toxal Novo pasa a ser de 12,9508 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo II, ao final deste anuncio.
– Monte Lamas (exp. 24/76), pertencente aos veciños da parroquia de Lamas, concello de Friol.
O 17.12.2020 tivo entrada unha solicitude asinada polo presidente da comunidade, para que se proceda á revisión do esbozo conforme a documentación que achega. Tras o requirimento oportuno, a solicitude foi mellorada o 12.8.2021.
O 22.9.2021 o Servizo de Montes elabora unha proposta de novo esbozo (2020_65) na que a superficie do monte de Lamas pasa a ser de 98,77 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo III, ao final deste anuncio.
– Monte Bustelo (exp. 39/73), pertencente aos veciños de Bustelo, na parroquia de Negueira, concello de Negueira de Muñiz.
O 17.12.2020 tivo entrada unha solicitude asinada polo presidente da comunidade, para que se proceda á revisión do esbozo conforme a documentación que achega. Tras o requirimento oportuno, a solicitude foi mellorada o 16.7.2021.
O 13.12.2021, o Servizo de Montes elabora unha proposta de novo esbozo (2020_66) na que a superficie do monte de Bustelo pasa a ser de 243,99 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IV, ao final deste anuncio.
– Monte Pedriñeira e Costa (exp. 49/75), pertencente aos veciños da parroquia de Vilachá, concello da Pobra do Brollón.
O 12.4.2021 tivo entrada unha solicitude asinada polo presidente da comunidade, para que se proceda á revisión do esbozo conforme a documentación que achega. Tras o requirimento oportuno, a solicitude foi mellorada o 4.8.2021.
O 13.12.2021, o Servizo de Montes elabora unha proposta de novo esbozo (2021_14) na que a superficie do monte de Pedriñeira e Costa pasa a ser de 607,92 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo V, ao final deste anuncio.
– Monte Vallo (exp. 10/78), pertencente aos veciños do lugar de Vallo, parroquia de Vallo, concello de Navia de Suarna.
O 14.7.2021 tivo entrada unha solicitude asinada polo presidente da comunidade, para que se proceda á revisión do esbozo conforme a documentación que achega. Tras o requirimento oportuno, a solicitude foi mellorada o 25.11.2021.
O 7.12.2021, o Servizo de Montes elabora unha proposta de novo esbozo (2021_26) na que a superficie do monte de Vallo pasa a ser de 213,4601 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VI, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 17 de xaneiro de 2022
María Olga Iglesias Fontal
Presidenta do Xurado Provincial de Clasificación de Montes Veciñais
en Man Común de Lugo
