De conformidade co disposto no artigo 6 da Lei 3/1986, do 18 de decembro, de consellos escolares de Galicia; no artigo 10 do Decreto 44/1988, do 11 de febreiro, polo que se desenvolve a dita lei; no artigo 16.1.c) do Decreto 87/1992, do 26 de marzo, polo que se aproba o Regulamento de réxime interno do Consello Escolar de Galicia, e atendendo á designación formalizada pola UGT-Servizos Públicos de Galicia (UGT-Galicia) e pola Confederación Intersindical Galega (CIG), por proposta do conselleiro de Cultura, Educación e Universidade, logo da deliberación do Consello da Xunta de Galicia, na súa reunión do dous de decembro de dous mil vinte e un,
DISPOÑO:
Artigo 1. Cesamentos
Que cesen como membros do Consello Escolar de Galicia as seguintes persoas:
1º. En representación do profesorado nos niveis educativos correspondentes ao ámbito do ensino non universitario de Galicia, ensino privado:
Azucena Rodríguez Amoroso (UGT-Servizos Públicos).
2º. En representación do persoal de administración e servizos, por proposta das centrais sindicais máis representativas:
María Burque Gerpe (Comisións Obreiras).
Artigo 2. Nomeamentos
Noméanse membros do Consello Escolar de Galicia, nas condicións determinadas no articulado da Lei 3/1986, do 18 de decembro, de consellos escolares de Galicia, as seguintes persoas:
1º. En representación do profesorado nos niveis educativos correspondentes ao ámbito do ensino non universitario de Galicia, ensino privado:
José Antonio Míguez Vila (UGT-Servizos Públicos).
2º. En representación do persoal de administración e servizos, por proposta das centrais sindicais máis representativas:
Rubén García Castrelo (Confederación Intersindical Galega).
Artigo 3. Duración do mandato
O mandato dos novos membros será polo tempo que resta para completar o mandato da representatividade que exercen.
Disposición derradeira única. Entrada en vigor
O presente decreto entrará en vigor o día seguinte ao da súa publicación no Diario Oficial de Galicia.
Santiago de Compostela, dous de decembro de dous mil vinte e un
Alberto Núñez Feijóo
Presidente
Román Rodríguez González
Conselleiro de Cultura, Educación e Universidade
