No Diario Oficial de Galicia núm. 130, do 9 de xullo de 2021, publícase a Orde do 29 de xuño de 2021 pola que se establecen as bases que rexen os premios do programa Xuventude Crea e se convocan para o ano 2021 (código de procedemento BS310Q). O procedemento de concesión é en réxime de concorrencia competitiva.
Cos premios do programa Xuventude Crea trátase de favorecer o traballo creativo da xuventude galega, coa finalidade de fomentar a actividade creadora, facilitar a súa promoción e a difusión da súa obra nas especialidades de artes plásticas, banda deseñada, cociña, creación de videoxogos, danza moderna, deseño de xoias, fotografía, graffiti, moda, música, novela curta, poesía, teatro e videocreación.
O día 14 de decembro de 2021, a persoa titular da Dirección Xeral de Xuventude, Participación e Voluntariado, por delegación da persoa titular da Consellería de Política Social, de conformidade co disposto no artigo 15.2, ditou resolución no procedemento BS310Q, na especialidade de moda do programa Xuventude Crea, convocado pola Orde do 29 de xuño de 2021 pola que se establecen as bases que rexen os premios do programa Xuventude Crea e se convocan para o ano 2021, pola que se aproba a relación definitiva de persoas beneficiarias das axudas e relación definitiva de premios.
De conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas e os artigos 15 e 19 da referida Orde do 29 de xuño de 2021, a resolución será obxecto de publicación no Diario Oficial de Galicia. Esta publicación producirá os efectos de notificación.
Será igualmente obxecto de publicidade a través da páxina web da Dirección Xeral de Xuventude, Participación e Voluntariado: http://xuventude.xunta.es, con carácter complementario.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 14 de decembro de 2021 ditada no procedemento BS310Q, de concesión de premios e axudas da especialidade de moda do programa Xuventude Crea no ano 2021 e na páxina web http://xuventude.xunta.es, con carácter complementario.
Segundo. Comunicar que a Resolución do 14 de decembro de 2021 pon fin á vía administrativa e contra ela pódese interpoñer recurso potestativo de reposición ante o mesmo órgano que a ditou, no prazo dun mes contado a partir do día seguinte á publicación desta resolución no Diario Oficial de Galicia, ou impugnala directamente ante a orde xurisdicional contencioso-administrativa, no prazo de dous meses contados a partir do día seguinte ao da publicación desta resolución no Diario Oficial de Galicia.
Terceiro. Segundo o artigo 17 da Orde do 29 de xuño de 2021, a participación nesta convocatoria supón a autorización das persoas participantes, a favor da Consellería de Política Social, dos dereitos de difusión dos proxectos presentados no marco deste programa, así como para montar exposicións e/ou para a exhibición, reprodución ou publicación da imaxe ou contido das obras presentadas por calquera medio que se crea oportuno, sen máis limitacións que as derivadas do Real decreto lexislativo 1/1996, do 12 de abril, polo que se aproba o texto refundido da Lei de propiedade intelectual, que regulariza, aclara e harmoniza as disposicións legais vixentes sobre a materia.
As obras das persoas participantes, deberán ser retiradas por elas ou pola persoa autorizada no lugar que determine a persoa titular da dirección xeral competente en materia de xuventude, no prazo dun mes a partir do día seguinte ao da publicación coa decisión da persoa titular da dirección xeral competente en materia de xuventude.
Transcorrido este prazo, as obras non retiradas quedarán á disposición da dirección xeral competente en materia de xuventude, da Consellería de Política Social, que entenderá que os seus autores e autoras renuncian a todo tipo de dereito sobre elas e poderá darlles o destino que considere oportuno.
Cuarto. Segundo o artigo 18.3 da Orde do 29 de xuño de 2021, as persoas premiadas deberán:
Colaborar nas accións de difusión que se organicen, así como a autorización de edición e reprodución a favor da Consellería de Política Social para a súa publicidade, difusión e divulgación a través do portal web da dirección xeral competente en materia de xuventude da Consellería de Política Social (http://xuventude.xunta.es/), redes sociais e demais medios de difusión da Administración da Comunidade Autónoma de Galicia.
Conservar os orixinais das obras premiadas e poñelos á disposición da dirección xeral competente en materia de xuventude, para a súa exhibición ou difusión por calquera medio ata o 31 de decembro do ano natural seguinte ao da concesión do premio.
No caso de que a obra sexa obxecto de posterior exhibición ou difusión pola persoa premiada, deberá indicar de forma expresa e visible a súa condición de premiada neste programa.
Santiago de Compostela, 28 de decembro de 2021
Cristina Pichel Toimil
Directora xeral de Xuventude, Participación e Voluntariado
ANEXO
Resolución dos premios e axudas para a fase final da especialidade de moda
do programa Xuventude Crea no ano 2021 (DOG núm. 130, do 9 de xullo)
Procedemento BS310Q: Xuventude Crea.
Mediante a Orde da Consellería de Política Social do 29 de xuño de 2021 (DOG núm. 130, do 9 de xullo), establécense as bases que rexen os premios do programa Xuventude Crea e se convocan para o ano 2021.
No seus artigos 2 e 3 recolle a definición das especialidades deste programa e dos premios por cada especialidade:
Un primeiro premio de 3.000,00 €.
Un segundo premio de 1.500,00 €.
Un terceiro premio de 1.000,00 €.
Así mesmo, no seu artigo 37, define unha axuda de 500,00 euros para cada unha das persoas finalistas da especialidade de moda.
O artigo 15 regula a resolución destes premios, logo da proposta do órgano instrutor, en vista do expediente e do informe de valoración da Comisión de Selección de cada especialidade.
A Comisión de Selección da especialidade de moda asinou as actas en que se recollen as avaliacións das solicitudes admitidas a trámite, as cales foron trasladadas ao órgano instrutor para facer a proposta de resolución dos premios da dita especialidade.
Con base no indicado nos anteriores parágrafos e vista a proposta de resolución da Subdirección Xeral de Programas para Xuventude,
RESOLVE:
Primeiro. Concederlles ás persoas que se relacionan no anexo I as axudas para o desenvolvemento da fase final da especialidade de moda do programa Xuventude Crea no ano 2021 convocados na dita orde con cargo á aplicación orzamentaria 13.06.313A.480.10.
Segundo. Concederlles ás persoas que se relacionan no anexo II os premios da especialidade de moda do programa Xuventude Crea no ano 2021 convocados na dita orde con cargo á aplicación orzamentaria 13.06.313A.480.10.
Terceiro. Publicar no anexo III a relación de solicitudes que non obtiveron premio.
Cuarto. Esta resolución que finaliza o procedemento esgota a vía administrativa, e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir da súa publicación, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte da súa publicación.
Santiago de Compostela, 14 de decembro de 2021. A conselleira de Política Social, P.D. (Orde do 29.6.2021; DOG núm. 130, do 9 de xullo). Cristina Pichel Toimil, directora xeral de Xuventude, Participación e Voluntariado.
ANEXO I
Relación de persoas finalistas
Especialidade de moda
Programa Xuventude Crea 2021
Nº de expediente |
Nome e apelidos |
NIF/NIE |
Pseudónimo |
Título da obra |
Puntuación |
Importe axuda (€) |
BS310Q 2021/324 |
Francisco Basteiro Salgado |
***3166** |
Mary-kate twin |
Out of this world |
175 |
500,00 € |
BS310Q 2021/277 |
Marta del Río Moldes |
***2114** |
Silver |
Lost |
162 |
500,00 € |
BS310Q 2021/278 |
Beatriz Chan Costa |
***7721** |
Storm boy |
Storm boy |
158 |
500,00 € |
BS310Q 2021/234 |
Sara Maneiro Barral |
***8696** |
Svrv |
Blossom |
152 |
500,00 € |
BS310Q 2021/071 |
Irene Gómez Rodríguez |
***9158** |
Amazona |
Artemis |
151 |
500,00 € |
BS310Q 2021/168 |
Álvaro Ramos García |
***0129** |
Arg |
The academy |
150 |
500,00 € |
ANEXO II
Relación de persoas premiadas
Especialidade de moda
Programa Xuventude Crea 2021
Premios |
Nº de expediente |
Nome e apelidos |
NIF/NIE |
Pseudónimo |
Título da obra |
Puntuación final |
Importe premio (€) |
1º premio |
BS310Q 2021/324 |
Francisco Basteiro Salgado |
***3166** |
Mary-kate twin |
Out of this world |
175 |
3.000,00 € |
2º premio |
BS310Q 2021/277 |
Marta del Río Moldes |
***2114** |
Silver |
Lost |
162 |
1.500,00 € |
3º premio |
BS310Q 2021/278 |
Beatriz Chan Costa |
***7721** |
Storm boy |
Storm boy |
158 |
1.000,00 € |
ANEXO III
Relación de persoas participantes que non obtiveron premio
Especialidade de moda
Programa Xuventude Crea 2021
Nº de expediente |
Nome e apelidos |
NIF/NIE |
Pseudónimo |
BS310Q 2021/069 |
Vanessa Parente González |
***0892** |
Lady blueberry |
BS310Q 2021/115 |
Sofía Victoria Rangel Blanco |
***4504** |
Fungi kingdom |
BS310Q 2021/275 |
Pablo Aneiros González |
***2084** |
Conexión entre dous mundos |
BS310Q 2021/279 |
Alba Barcia Blanco |
***1289** |
Madame butterfly |
BS310Q 2021/308 |
Vera García-Muñoz Prieto |
***1553** |
Desde el desván |
BS310Q 2021/313 |
Inés Jiménez Pedrás |
***0436** |
Ijp |