A persoa titular da Subdirección Xeral de Inspección do Transporte ditou a resolución do expediente sancionador OU-00716-O-2020 e tres máis por infracción da normativa sobre transporte terrestre.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles as resolucións ditadas ás persoas interesadas.

Son informadas de que os expedientes sancionadores están á súa disposición nas oficinas da Subdirección Xeral de Inspección do Transporte, situadas na praza de Europa, 5A, 2º, en Santiago de Compostela.

Comunicáselles que contra a resolución sancionadora, que non é definitiva na vía administrativa, cabe recurso de alzada, ante o director xeral de Mobilidade da Consellería de Infraestruturas e Mobilidade, no prazo dun mes contado desde o día seguinte ao da publicación deste anuncio no BOE.

En caso de conformidade coa resolución sancionadora, a persoa interesada deberá aboar a multa imposta, empregando o modelo impreso que se facilitará na Subdirección Xeral de Inspección do Transporte.

No caso de non presentar recurso de alzada e non pagar a sanción imposta, procederase ao seu cobramento pola vía de constrinximento segundo o previsto na normativa vixente.

Santiago de Compostela, 30 de novembro de 2021

Marta Vázquez Sanjurjo
Subdirectora xeral de Inspección do Transporte

ANEXO

Expediente Matrícula	DNI/CIF persoa sancionada	Infracción cometida Data-hora-estrada-p.q.	Precepto cualificador	Precepto sancionador	Sanción imposta
OU-00716-O-2020 9247-DVN	34998254M	Atenuante-Realizar transporte público de mercadorías en vehículo lixeiro carecendo de título habilitante. 31.8.2020; 16.57; N-525; 257,0	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros
XC-00137-O-2021 3029-BXJ	Y0225603X	Atenuante-Realizar transporte público de mercadorías en vehículo lixeiro carecendo de título habilitante. 23.8.2020; 16.35; AC-151; 33,3	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros
XC-03217-O-2020 8369-KDM	45956618L	Atenuante-Realizar transporte público de mercadorías en vehículo lixeiro carecendo de título habilitante. 10.7.2020; 13.26; A-54; 72,2	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros
XC-03219-O-2020 1828-KVH	45956618L	Atenuante-Realizar transporte público de mercadorías en vehículo lixeiro carecendo de título habilitante. .7.2020; 13.39; A-54; 72,2	Artigo 141.25 en relación co artigo 140.1 da LOTT	Artigo 143.1.k) en relación coa letra f) da LOTT	801 euros