Execución subsidiaria de limpeza de predios en risco de incendio, ao abeiro do previsto no artigo 22 da Lei 3/2007, por incumprimento dos titulares ou por descoñecemento deles.

Visto o expediente tramitado (que logo se dirá) para lograr a limpeza de predios invadidos por maleza con risco de incendio, situados nas faixas de protección establecidas pola Lei de prevención de incendios de Galicia.

Visto que no expediente referido foi ordenada a limpeza de predios, notificándoselles a obriga aos responsables, onde eran coñecidos por esta administración, ou ben, publicando a orde, en cumprimento do previsto no artigo 22 da Lei 3/2007, no Diario Oficial de Galicia e no Boletín Oficial del Estado, no caso de titulares ou enderezos descoñecidos, a fin de poder continuar o procedemento previsto para a efectiva protección das faixas.

Visto, ademais, que o Concello de Oia ten un convenio asinado con Seaga, polo que encarga a este organismo da Xunta de Galicia a limpeza efectiva de moitas parcelas que están en situación de risco de incendio e para as que non foi posible lograr que realizasen a limpeza os seus titulares, ben porque non se coñecen ou ben por incumprimento.

Considerando que resulta obrigatorio, chegados a este punto, acordar a execución subsidiaria polo concello, que este encargará pola súa vez a Seaga, e que resulta necesario formalizar tamén a liquidación provisional dos custos que terán esas limpezas.

De acordo co previsto nos artigos 21 e seguintes da Lei 3/2007, de prevención de incendios de Galicia, 135 e seguintes da Lei 2/2016, do solo de Galicia, e 21.1 da Lei 7/1985, do 2 de abril, reguladora das bases do réxime local,

RESOLVO:

Primeiro. Incoar expediente para a execución subsidiaria das ordes de execución impostas por decreto de Alcaldía no expediente que logo se refire, contra os titulares que tamén se indican, respecto das parcelas identificadas na táboa que segue:

Nº expediente	Ref. catastral	Data/ notificación/ publicación	Parroquia	Lugar/polígono/parcela	ha afectadas por execución subsidiaria	Liquidación provisional dos traballos de xestión biomasa	Data de constatación do incumprimento	Persoa responsable
649/2020	36036A004007990000QM	BOE 24.3.2021 DOG 17.3.2021	Mougás	Pedra Rubia/4/799	0,208102	822,66 €	6.9.2021	Residenciales Oia, S.L.
	36036A004008010000QO			Pedra Rubia/4/801	0,122703	485,06 €
	36036A004008040000QP			Pedra Rubia/4/804	0,140378	554,94 €
	36036A004008070000QJ			Pedra Rubia/4/807	0,099951	395,12 €
	36036A004008080000QE			Pedra Rubia/4/808	0,071480	282,57 €
	36036A004008100000QJ			Pedra Rubia/4/810	0,109900	434,45 €
	36036A004008240000QQ			Pedra Rubia/4/824	0,400351	1.582,65 €
	36036A004008310000QF			Pedra Rubia/4/831	0,085004	143,56 €
	36036A004008330000QO			Pedra Rubia/4/833	0,053305	90,03 €
	36036A004008340000QK			Pedra Rubia/4/834	0,123681	208,88 €
	36036A004008370000QX			Pedra Rubia/4/837	0,086573	146,21 €
	36036A004008390000QJ			Pedra Rubia/4/839	0,014448	24,40 €
	36036A004008410000QI			Pedra Rubia/4/841	0,022403	37,84 €
	36036A004008440000QS			Pedra Rubia/4/844	0,099804	168,56 €
	36036A004008510000QW			Pedra Rubia/4/851	0,048882	82,56 €
	36036A004008520000QA			Pedra Rubia/4/852	0,078925	133,30 €
	36036A004009210000QP			Pedra Rubia/4/921	0,422826	1.671,49 €
	36036A004008090000QS			Pedra Rubia/4/809	0,068402	115,52 €		Teresa Juana Martín Seguido

Segundo. En aplicación do previsto no artigo 22.4 da Lei 3/2007, de prevención e defensa contra os incendios forestais de Galicia, estímase que a limpeza xerará os custos que aparecen na mesma táboa, na columna de liquidación provisional.

Terceiro. Sirva a presente como liquidación provisional dos custos que deberán aboar os obrigados, constituíndo o presente decreto liquidación en voluntaria, cos prazos previstos na Lei xeral tributaria que se determinarán, sen prexuízo da liquidación definitiva que se cursará unha vez rematados os traballos de corta e roza.

Cuarto. Ordenar a publicación da presente resolución no Boletín Oficial del Estado, no Diario Oficial de Galica e no taboleiro de anuncios do concello, para coñecemento e efectos, e comunicar a Seaga, para os efectos que procedan.

Oia, 14 de setembro de 2021

Cristina Correa Pombal
Alcaldesa