Visto o expediente para o outorgamento de autorización administrativa previa e de construción da instalación eléctrica que a seguir se cita:

Solicitante: Conservas Rianxeira, S.L.U.

Domicilio social: Bodión, s/n, 15930 Boiro.

Denominación: proxecto de instalación eléctrica de media tensión a 20 kV de centro de transformación para subministración eléctrica a nave industrial.

Situación: parque empresarial Espiñeira, 10A, Boiro.

Características técnicas:

Nova instalación de alta tensión, formada por:

– Liña de media tensión subterránea de 20 kV, conexión na liña existente LMTS BOI803, con inicio e fin en empalmes en arqueta proxectada no tramo comprendido entre a SET Boiro e o CT 15CPM6, con entrada e saída no centro de seccionamento proxectado, condutor RHZ1 2OL 12/20 kV 1×240 mm2, Al, lonxitude 2,2 m (ida e volta).

– Centro de manobra e seccionamento en edificio prefabricado, con cela compacta composta por 3 celas de liña (entrada, saída e derivación a CT), cela para SSAA e telecontrol para xestión (24 kV, 400 A, 16 kA).

Cumpridos os trámites ordenados na Lei 24/2013, do 26 de decembro, do sector eléctrico (BOE núm. 310), e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:

Conceder a autorización administrativa previa e a autorización administrativa de construción da dita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

Esta autorización entenderase outorgada, salvo o dereito de propiedade e sen prexuízo do de terceiro, e non poderá ser invocada para excluír ou diminuír a responsabilidade civil ou penal en que podería incorrer o beneficiario no exercicio da actividade ou na explotación da instalación autorizada.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra este acordo, que non é definitivo en vía administrativa, cabe interpor recurso de alzada, ante o vicepresidente segundo e conselleiro de Economía, Empresa e Innovación, no prazo dun mes contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que se considere pertinente.

A Coruña, 6 de agosto de 2021

Isidoro Martínez Arca
Xefe territorial da Coruña