O Decreto 25/2001, do 18 de xaneiro, polo que se regula a organización e o funcionamento do Consello Galego de Cooperativas, en desenvolvemento das previsións contidas na súa norma de creación, a Lei 5/1998, do 18 de decembro, de cooperativas de Galicia, regula no seu artigo 4 a composición do Consello, no artigo 5, o procedemento de nomeamento e cesamento dos seus membros, e no artigo 6, a duración do mandato e substitucións.

Os actuais membros do Consello Galego de Cooperativas foron nomeados pola Orde do 16 de outubro de 2017 pola que se procede ao nomeamento de membros do Consello Galego de Cooperativas, e polas ordes do 27 de xuño de 2018, do 4 de setembro de 2018, do 7 de novembro de 2019, do 2 de marzo de 2020, do 16 de novembro de 2020 e do 3 de xuño de 2021 polas que se procede ao cesamento e nomeamento de membros do Consello Galego de Cooperativas.

O 28 de xullo de 2021 a Unión de Cooperativas Asociación Galega de Cooperativas Agrarias comunicou a súa proposta de modificación das persoas representantes desta entidade no Consello Galego de Cooperativas como consecuencia do cambio na composición do seu consello reitor.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta de Galicia e da súa Presidencia, e o artigo 5 do Decreto 25/2001, do 18 de xaneiro, polo que se regulan a organización e o funcionamento do Consello Galego de Cooperativas,

RESOLVO:

Primeiro.

Que cese José Severino Montes Pérez como titular primeiro do Consello Galego de Cooperativas, Emilio Rodríguez Felipe como titular segundo e José Manuel López Tellado como suplente primeiro do Consello Galego de Cooperativas.

Segundo.

Nomear a Carmen Rodríguez Rodríguez como titular primeira do Consello Galego de Cooperativas, José Manuel López Tellado como titular segundo e a José Luis Rey Rodríguez como suplente primeiro do Consello Galego de Cooperativas.

Contra esta orde poderase interpoñer, potestativamente, recurso de reposición ante a conselleira de Emprego e Igualdade no prazo dun mes contado desde o día seguinte ao da súa publicación, de conformidade co establecido no artigo 123 da Lei 39/2015, do 1 de outubro, do procedemento administrativo común das administracións públicas, ou interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses, contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de agosto de 2021

A conselleira de Emprego e Igualdade
P.D. (Orde do 10.6.2016; DOG núm. 131, do 12 de xullo)
O secretario xeral técnico da Consellería de Emprego e Igualdade
P.S. (Artigo 7.i) do Decreto 215/2020, do 3 de decembro;
DOG núm. 253, do 17 de decembro)
Mª Fe Alvedro Riveiro
Vicesecretaria xeral da Consellería de Emprego e Igualdade