Anuncio de aprobación definitiva do estudo de detalle no núcleo de Santa Comba-Currás, nas parcelas de referencias catastrais DA0501100NG97G0001RI, 32076A051002930000UG, DA0500800NG97G0001RI, 32076A051004150000UB, 32076A051004820000UB, 32076A051004140000UA no tramo correspondente ao contorno da igrexa parroquial e cemiterio de Santa Comba, co obxecto de reaxustar aliñacións, o que se publica para os efectos dos artigos 82 da Lei 2/2016, do 10 de febreiro, do solo de Galicia, e 199 do seu regulamento.
«O Pleno da Corporación en sesión extraordinaria celebrada o día 12 de xullo de 2021 adoptou o seguinte acordo:
Primeiro. Aprobar definitivamente o estudo de detalle no núcleo de Santa Comba-Currás, nas parcelas de referencias catastrais DA0501100NG97G0001RI, 32076A051002930000UG, DA0500800NG97G0001RI, 32076A051004150000UB, 32076A051004820000UB, 32076A051004140000UA no tramo correspondente ao contorno da igrexa parroquial e cemiterio de Santa Comba, redactado por Catoure, S.L., descrito nos antecedentes.
Segundo. Publicar o Acordo de aprobación definitiva no Diario Oficial de Galicia, e o texto dos documentos que o integran así como o índice de planos do estudo de detalle no Boletín Oficial da provincia.
Terceiro. Notificarlles o presente acordo aos propietarios e demais interesados directamente afectados polo estudo de detalle.
Cuarto. Comunicar á consellería competente en materia de urbanismo da aprobación do estudo de detalle, á vez que se lle dá traslado dun exemplar en soporte dixital, debidamente dilixenciado, co fin de ser inscrito no Rexistro de Plan Urbanístico de Galicia.
Quinto. Facultar o alcalde presidente para subscribir e asinar toda clase de documentos e en xeral para todo o relacionado con este asunto».
Contra o presente acordo interporase recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte á publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.
San Cibrao das Viñas, 3 de agosto de 2021
Manuel Pedro Fernández Moreiras
Alcalde