Unha vez aprobado inicialmente o documento de delimitación do núcleo rural tradicional da Veiga, parroquia de Pradeda, Guntín, por acordo do Pleno do día 24 de xuño de 2021, conforme o artigo 78 da Lei 2/2016, do 10 de febreiro, do solo de Galicia, sométese á información pública polo prazo de dous meses, contados desde o día seguinte ao da publicación deste anuncio nos xornais El Progreso, La Voz de Galicia e no Diario Oficial de Galicia.

Durante ese prazo calquera interesado poderá examinalo no Servizo de Urbanismo do concello para formular as alegacións que se consideren pertinentes ou obter copias.

O horario de consultas é de luns a venres, das 9.00 ás 15.00 horas.

O literal da parte resolutiva do acordo adoptado é o seguinte:

«Primeiro. Aprobar inicialmente, nos termos que obran no expediente, o documento de delimitación do núcleo rural tradicional da Veiga (parroquia de Pradeda), Guntín, redactado para a aprobación provisional, que contén a memoria xustificativa dos cambios introducidos e está adaptado ás normas técnicas de planeamento urbanístico de Galicia aprobadas mediante a Orde do 10 de outubro de 2019 (DOG nº 224, do 25 de novembro), que incorpora as correcións requiridas polos devanditos órganos sectoriais e valida as actuacións efectuadas no expediente G 187/2019.

Segundo. Abrir un período de información pública por prazo de dous meses mediante anuncio no Diario Oficial de Galicia, no xornal La Voz de Galicia e no xornal El Progreso. Durante ese período quedará o expediente á disposición de calquera que queira examinalo para que se presenten as alegacións que se consideren pertinentes. Así mesmo estará á disposición dos interesados na sede electrónica.

Terceiro. Notificar individualmente todas as persoas titulares catastrais dos terreos afectados».

Guntín, 12 de xullo de 2021

Mª José Gómez Rodríguez
Alcaldesa