O Pleno da Corporación, en sesión que tivo lugar o 12 de xullo de 2021, adoptou, por maioría absoluta do número legal de membros da Corporación, o acordo cuxo teor literal é o seguinte:
«Primeiro. Atender o requirimento previo de anulación formulado pola Secretaría Xeral de Ordenación do Territorio e Urbanismo da Consellería de Medio Ambiente, Territorio e Vivenda, do 26 de maio de 2021, de conformidade co disposto no artigo 88.3) da Lei 2/2016, do 10 de febreiro, do solo de Galicia (LSG), e proceder á anulación do Acordo plenario do 16 de abril de 2021, de aprobación definitiva do Plan especial de infraestruturas e dotacións do polígono P-6.1 da AR-6 no núcleo de Reboredo.
Segundo. Efectuar as correccións procedentes postas de manifesto no requirimento formulado pola dita consellería, procedendo á aprobación provisional do instrumento de planeamento e a súa remisión á Consellería para a emisión do informe previo á aprobación definitiva de conformidade co establecido no artigo 75.1.e) da LSG, e conservando, polo tanto, os actos e a tramitación anteriores á fase cuxa anulación se invoca, sempre no suposto de que as modificacións introducidas na documentación técnica non sexan substanciais; noutro caso, deberíase avaliar a posibilidade do sometemento do plan a un novo trámite de exposición pública previo á aprobación provisional».
O que se publica para os efectos oportunos. Queda sen vixencia os anuncios publicados no DOG núm. 84, do 5 de maio de 2021.
San Cibrao das Viñas, 13 de xullo de 2021
Manuel Pedro Fernández Moreiras
Alcalde