O 27 de maio de 2021, o Concello Pleno de Ferrol acordou, en relación co cambio de uso de parcela dotacional:
«a) Aprobar, por maioría absoluta e ao abeiro do disposto no artigo 42.5 da Lei 2/2016, do solo de Galicia, o cambio de uso da parcela dotacional D-1 do Plan parcial do Bertón, con referencia catastral 4057316NJ6145N0000MG, inscrita no inventario municipal de bens (código 1.118.200), que pasa do uso deportivo ao uso asistencial, sanitario e deportivo.
(...)
Consecuencias do acordo:
1º. En relación co cambio de uso demanial da parcela: este acordo deberá publicarse no BOP e no DOG. Deberá remitirse este acordo, xunto con dúas copias debidamente dilixenciadas do aprobado, á Consellería de Medio Ambiente e Ordenación do Territorio da Xunta de Galicia, para o seu coñecemento e efectos, así como para a inclusión nos sistemas de información urbanística da Comunidade Autónoma. No anuncio de aprobación farase constar a dita remisión.(...)».
O 9 de xuño de 2021 foille notificado o dito acordo á Consellería de Medio Ambiente, Territorio e Vivenda.
Ferrol, 14 de xuño de 2021
O alcalde
P.D. (Decreto do 8.7.2019; BOP do 22 de xullo)
Julián Reina Villalón
Concelleiro delegado titular da Área de Urbanismo e Infraestruturas