Na sesión celebrada polo Xurado Provincial o día 2 de xuño de 2021 figura o seguinte acordo:
Monte Pena, Cruz da Aguieira e San Marcos (exp. 66/78), pertencente aos veciños da parroquia de Goián, no concello de Sarria.
Con data do 11.1.2021, o Xurado Provincial de Clasificación de MVMC aprobou un deslindamento parcial do monte veciñal con propiedades particulares.
Contra este acordo foron presentados os seguintes recursos:
– O día 19.2.2021 tivo entrada un recurso de reposición, presentado por José Manuel López Pérez.
– O día 20.2.2021 tivo entrada un recurso de reposición, presentado por Angustias, Regina e María Eva Fernández Limeres.
– O día 17.3.2021 tivo entrada un recurso de reposición, presentado por Raquel López Vila e vinte e nove persoas máis.
En todos os citados recursos, as persoas recorrentes, entre outros aspectos, maniféstanse en desacordo coa inclusión dalgunhas parcelas no esbozo do monte.
Con data do 30.4.2021, o Servizo de Montes elabora un informe sobre as parcelas reclamadas polos recorrentes, coas seguintes indicacións:
– As parcelas 580 e 581 do polígono 23 (reclamadas por José Manuel López Pérez) están parcialmente dentro do esbozo do monte e o perímetro definitorio nese ámbito non formou parte do expediente de deslindamento.
– A parcela 292 do polígono 23 (reclamada polas irmáns Fernández Limeres) está parcialmente dentro do esbozo do monte, pero non foron obxecto do deslindamento impugnado.
– As parcelas 595, 116 e parte da 594, do polígono 20 (reclamada por Raquel López Vila) non forman parte do perímetro obxecto do deslindamento, que está todo no polígono 23.
Examinados os recursos, o Xurado, por unanimidade, acorda non admitilos, de conformidade cos fundamentos que se recollen na correspondente resolución.
Contra esta resolución, no prazo de dous meses contados desde o día seguinte á súa notificación ou publicación no Diario Oficial de Galicia, poderá interpoñerse recurso contencioso-administrativo perante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Lugo, 29 de xuño de 2021
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo