Na sesión do Xurado Provincial do día 2.6.2021 figura o seguinte acordo sobre o monte Bosque, Serra Lagüela, Gandarón e Cabaleirón (expediente 66/80), pertencente á Comunidade de Andreade, Barán e Vilaragunte, no concello de Paradela.

Con data do 8.1.2020 tivo entrada un recurso de reposición, presentado por Ana Mª López Rodríguez, contra o Acordo do Xurado do 25.11.2019, de revisión do esbozo do monte veciñal. A recorrente ratifica as alegacións presentadas durante a tramitación do expediente de revisión do esbozo, manifesta, en síntese, que é propietaria da parcela 646, subparcela b, do polígono 13 do concello de Paradela, inscrita no Rexistro da Propiedade, e solicita a súa exclusión do esbozo do monte.

Unha vez examinado o recurso, o Xurado, por unanimidade, acorda non admitilo, de conformidade cos fundamentos que se recollen na correspondente resolución.

Contra esta resolución, no prazo de dous meses contados desde o día seguinte ao da súa notificación ou publicación no Diario Oficial de Galicia, poderá interporse recurso contencioso-administrativo ante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.

Lugo, 24 de xuño de 2021

Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo