Aprobada inicialmente polo Pleno, na súa sesión ordinaria celebrada o día 27 de maio de 2021, a modificación puntual das normas subsidiarias do Plan do Concello de Vilalba, definición das ordenanzas do grupo de vivendas «Pedrosa Latas e do solo dotacional de núcleo urbano».

No cumprimento do dito acordo e de conformidade co artigo 60.5 da Lei 2/2016, do 10 de febreiro, do solo de Galicia, sométese o expediente a información pública durante un prazo de dous meses (2 meses), contados a partir do día seguinte ao da última inserción do anuncio, anuncio que se publicará no Diario Oficial de Galicia e nun dos xornais de maior difusión da provincia, así como na sede electrónica deste concello e no portal de transparencia (https://vilalba.sedelectronica.es).

Durante o período de información pública, o expediente quedará á disposición de calquera persoa para os efectos do seu exame e/ou da presentación das alegacións e/ou suxestións que se consideren oportunas, nas dependencias do departamento de urbanismo (2ª andar da casa do concello) e no dito enderezo electrónico.

A aprobación inicial comporta a suspensión do outorgamento de licenzas no ámbito afectado, suspensión que se extinguirá coa aprobación definitiva da modificación puntual, segundo o artigo 47 da citada Lei do solo de Galicia.

Vilalba, 16 de xuño de 2021

Elba Veleiro Fernández
Alcaldesa