Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado (BOE) resulta preceptiva cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar, mediante o presente anuncio emprázanse as persoas interesadas que figuran no anexo para seren notificadas por comparecencia.

Así mesmo, infórmase de que o expediente correspondente á instalación de referencia está á súa disposición durante un prazo de trinta (30) días nas dependencias da Xefatura Territorial da Vicepresidencia Segunda e Consellería de Economía, Empresa e Innovación de Lugo, na rolda da Muralla, nº 70, 2º baixo (Servizo de Enerxía e Minas). Debido ao protocolo de medidas preventivas fronte ao coronavirus nos servizos de rexistro e atención á cidadanía, todas aquelas persoas que soliciten acudir a estas dependencias poderán facelo con cita previa obtida no teléfono 982 87 90 88.

O proxecto tamén se poderá consultar no portal web da Vicepresidencia Segunda e Consellería de Economía, Empresa e Innovación na seguinte ligazón:

https://ceei.xunta.gal/transparencia/documentos-sometidos-a-informacion-publica, na epígrafe de instalacións de xeración.

Lugo, 7 de xuño de 2021

Gustavo José Casasola de Cabo
Xefe territorial de Lugo

ANEXO

Expediente: 066-EOL

Denominación: parque eólico Farrapa II

Concellos da Pastoriza e Abadín (Lugo)

Afeccións en m²:

Parcela	Interesado	Pol.	Parc.	Lugar	Cultivo	Zap.-plat.	Sub.	Vía/vía-gabia	Gabia	Aéreo	Van
26	Descoñecido (fiscal da Audiencia Provincial)	53	94	Costa de Abadín	Monte baixo					395
27	Descoñecido (fiscal da Audiencia Provincial)	53	165	Costa de Abadín	Monte baixo					1.352
57	Descoñecido (fiscal da Audiencia Provincial)	53	119	Cadaval	Monte baixo			605
58	Descoñecido (fiscal da Audiencia Provincial)	53	120	Cadaval	Monte baixo			954