Eu, Encarnación Tubío Lariño, letrada da Administración de xustiza do Xulgado de Primeira Instancia e Instrución número 4 de Betanzos, fago saber que no presente procedemento ordinario número 247/2020, seguido por instancia de Abanca Corporación Bancaria, S.A. fronte a Óscar Manuel Barros Vázquez, se ditou sentenza, cuxo teor literal é o seguinte:
Sentenza.
Betanzos, 9 de marzo de 2021.
Vistos por min, Emma Mourenza Couto, maxistrada xuíza do Xulgado de Primeira Instancia e Instrución número 4 de Betanzos, os presentes autos de xuízo ordinario con número 247/2020, seguidos por instancia de Abanca Corporación Bancaria, S.A., representado pola procuradora Sra. Sánchez Presedo e asistido do letrado Sr. Pérez Moreno, contra Óscar Manuel Barros Vázquez, en situación procesual de rebeldía.
Resolvo:
Que debo estimar e estimo substancialmente a demanda interposta pola representación procesual de Abanca Corporación Bancaria, S.A. fronte a Óscar Manuel Barros Vázquez e, como consecuencia do anterior, declaro resolto o contrato de préstamo de financiamento subscrito entre as partes o día 2 de abril de 2018 e condeno o demandado Óscar Manuel Barros Vázquez a aboar á demandante a cantidade de 6.609,27 euros máis o xuro moratorio que devindique a devandita cantidade, de acordo co resolto no fundamento de dereito segundo da presente resolución. E todo iso con imposición das custas procesuais.
Notifíquese a presente resolución ás partes e fágaselles saber que contra ela cabe recurso de apelación, que se interpoñerá ante este xulgado no prazo de vinte días contado desde o seguinte ao da súa notificación para ser resolto pola Audiencia Provincial da Coruña. Para iso, cómpre ingresar na conta de depósitos e consignacións deste xulgado o depósito establecido pola Lei orgánica 1/2009, do 3 de novembro.
Así o acordo, mando e asino.
Publicación. A anterior sentenza foi lida, asinada e publicada no mesmo día da súa data pola maxistrada que a ditou, en audiencia pública na miña presenza, a letrada da Administración de xustiza. Dou fe, en Betanzos o 9 de marzo de 2021.
E ao estar o dito demandado, Óscar Manuel Barros Vázquez, en paradoiro descoñecido, expídese o presente edicto co fin de que lle sirva de notificación en forma.
Betanzos, 15 de abril de 2021
A letrada da Administración de xustiza