Con data do 31 de marzo de 2021, publicase no Diario Oficial de Galicia número 61, a Orde do 18 de marzo de 2021 pola que se regulan as bases das subvencións para entidades de acción voluntaria e entidades locais enmarcadas no programa Servizo de voluntariado xuvenil e se procede á súa convocatoria para o ano 2021 (código de procedemento BS320A).
O artigo 7 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.
Así mesmo, no artigo 8 da orde determínase a documentación complementaria necesaria para a tramitación do procedemento.
Unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.
O artigo 9 da dita orde establece, de conformidade co previsto no artigo 68 da Lei 39/2015, do 1 de outubro, do procedemento administrativo común das administracións públicas, que se na solicitude se aprecian defectos ou falta de documentación, o órgano instrutor requirirá á entidade solicitante para que, nun prazo de dez (10) días, emende a falta ou achegue os documentos preceptivos, con indicación de que, se así non o fixer, se considerará que desiste da súa petición, logo de resolución, que deberá ser ditada nos termos previstos no artigo 21 da referida lei.
Así mesmo, o artigo 15 da orde de convocatoria establece que se publicarán no Diario Oficial de Galicia, de conformidade co previsto no artigo 45 da Lei 39/2015, do 1 de outubro, os actos administrativos e as correspondentes resolucións deste procedemento e que esta publicación producirá os efectos de notificación.
Por todo o exposto,
RESOLVO:
1. Ordenar a publicación no Diario Oficial de Galicia da relación de solicitudes que non están debidamente cubertas e/ou non achegan a documentación preceptiva exixida segundo o establecido nas bases reguladoras e no acto de requirimento ditado polo órgano instrutor. Esta relación figura como anexo desta resolución.
2. Facer indicación expresa a todas as entidades solicitantes recollidas no anexo de que son requiridas para que, no prazo de dez (10) días, contado a partir do día seguinte ao da publicación desta resolución no Diario Oficial de Galicia, emenden a falta ou acheguen os documentos preceptivos conforme se establece na orde de convocatoria. De non o facer, daranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.
3. En caso de dúbida, dificultades técnicas ou necesidade de máis información durante o proceso de emenda da documentación das solicitudes, poderán dirixirse á Consellería de Política Social a través dos teléfonos 981 95 79 20 ou 881 99 65 30.
Santiago de Compostela, 20 de maio de 2021
Cristina Pichel Toimil
Directora xeral de Xuventude, Participación e Voluntariado
ANEXO
Entidades de acción voluntaria e entidades locais enmarcadas no programa Servizo de voluntariado xuvenil. Requirimento de emenda das solicitudes na Orde do 18 de marzo de 2021 (código de procedemento BS320A)
Nº exp. |
Solicitante |
NIF da entidade |
Documentación requirida |
BS320A 2021/014 |
Concello de Cangas-Oficina Municipal de Voluntariado |
P3600800A |
– Certificado da persoa secretaria sobre a existencia de crédito suficiente e adecuado (art. 8.1.b). |
BS320A 2021/058 |
Concello de Sarria |
P2705700I |
– Acreditación fidedigna da persoa representante legal da entidade. – Anexo I: adaptar o orzamento solicitado (artigo 6.4) e revisar a data de fin de proxecto. – Anexo I ou proxecto: o número de persoas beneficiarias non coincide. – Certificado da persoa secretaria sobre a existencia de crédito suficiente e adecuado (art. 8.1.b): adaptar a cantidade indicada nas fontes de financiamento ao artigo 6.4. |
BS320A 2021/063 |
Concello de Viveiro (Oficina Municipal de Voluntariado) |
P2706700H |
– Certificado da persoa secretaria sobre a existencia de crédito suficiente e adecuado (art. 8.1.b). |
BS320A 2021/067 |
Fundación Baiuca Verdescente |
G70542113 |
– Anexo I: indicar os datos da persoa de contacto, adaptar a data de fin de proxecto (art. 6.2), adaptar o número de persoas voluntarias (art. 2.4), e en consecuencia, revisar os cálculos dos gastos das persoas voluntarias, dos gastos do programa e do orzamento solicitado. – Proxecto de actividades (art. 8.1.a): adaptar o cronograma de actividades (art. 6.2) e adaptar o número de persoas voluntarias (art. 2.4), e en consecuencia, revisar os cálculos dos gastos das persoas voluntarias, dos gastos do programa e do orzamento solicitado. |
BS320A 2021/068 |
Concello de Tomiño |
P3605400E |
– Anexo I: adaptar a data de fin de proxecto (art. 6.2) e o orzamento solicitado (art. 6.4). – Proxecto de actividades (art. 8.1.a): adaptar a terminoloxía da relación coas persoas voluntarias acorde á Lei de acción voluntaria (acordos de colaboración). – Anexo I ou proxecto: o número de persoas voluntarias non coincide. |
BS320A 2021/074 |
Concello de Santa Comba |
P1507800I |
– Anexo I: adaptar o número de persoas beneficiarias e as áreas ao indicado no proxecto de actividades. – Certificado da persoa secretaria sobre a existencia de crédito suficiente e adecuado (art. 8.1.b). |
BS320A 2021/080 |
Concello de Cambre |
P1501700G |
– Anexo I: adaptar a data de fin de proxecto (art. 6.2). – Proxecto de actividades (art. 8.1.a): indicar a identificación de problemas e adaptar o ano de actividades indicado na páxina 5. |
BS320A 2021/083 |
Concello de Mos |
P3603300I |
– Anexo I: adaptar o número de persoas beneficiarias e a data de fin acorde ao indicado no proxecto. – Proxecto de actividades: adaptar a temporalización ás datas limite acorde ao art. 6.2. |
BS320A 2021/085 |
Fundación Uxío Novoneyra |
G27407238 |
– Anexo I: indicar o orzamento solicitado, revisar a data de fin de proxecto, adaptar o número de persoas beneficiarias ao indicado no proxecto e adaptar o cálculo das persoas voluntarias e das partes do orzamento (art. 6.4). |
BS320A 2021/086 |
Concello de Covelo |
P3601300A |
– Acreditación fidedigna da persoa representante legal da entidade. – Anexo I: indicar nº de persoas beneficiarias acorde ao proxecto. – Proxecto de actividades (art. 8.1.a). – Certificado da persoa secretaria sobre a existencia de crédito suficiente e adecuado (art. 8.1.b). |
BS320A 2021/088 |
Concello da Pobra do Caramiñal |
P1506800J |
– Proxecto de actividades (art. 8.1.a): cuantificar o número de persoas beneficiarias. – Certificado da persoa secretaria sobre a existencia de crédito suficiente e adecuado (art. 8.1.b). |
BS320A 2021/089 |
Concello das Pontes de García Rodríguez |
P1507100D |
– Acreditación fidedigna da persoa representante legal da entidade. – Proxecto de actividades (art. 8.1.a): cuantificar o número de persoas beneficiarias. – Anexo I: revisar os datos da entidade solicitante, o NIF da entidade solicitante, os datos da persoa representante, o titular da conta bancaria, os datos da persoa de contacto, adaptar o número de días das persoas voluntarias ao indicado no proxecto e adaptar o orzamento solicitado (art. 6.4). |
BS320A 2021/091 |
Concello de Ponteareas/Oficina Municipal de Voluntariado |
P3604200J |
– Proxecto de actividades (art. 8.1.a). – Certificado da persoa secretaria sobre a existencia de crédito suficiente e adecuado (art. 8.1.b). – Acreditación fidedigna da persoa representante legal da entidade. |
BS320A 2021/095 |
Federación de Centros Xuvenís Don Bosco de Galicia |
G15450828 |
– Acreditación fidedigna da persoa representante legal da entidade. |
BS320A 2021/096 |
Fundación Eduardo Pondal |
G70262951 |
– Acreditación fidedigna da persoa representante legal da entidade. – Proxecto de actividades (art. 8.1.a): adaptar na páxina 3 a data de actividades (art. 6.2). |
BS320A 2021/099 |
Asociación Tempus, de Acción Social, Educación Permanente y de Servicios a la Juventud y a la Mujer |
G15681000 |
– Proxecto de actividades (art. 8.1.a). |