Eu, Rafael González Alio, letrado da Administración de xustiza do Xulgado do Social número 1 de Lugo, fago saber que por resolución ditada no día da data, no proceso seguido por instancia de Víctor Maneiro Blanco contra Cervecería Forum, S.L., en reclamación por ordinario, rexistrado como procedemento ordinario 187/2021 acordouse, en cumprimento do que dispón o artigo 59 da LXS, citar a Cervecería Forum, S.L., en ignorado paradoiro, co fin de que compareza o día 17.6.2021, ás 11.10 horas, na planta 4, sala 9, Edificio dos xulgados, para a celebración dos actos de conciliación e, se é o caso, xuízo. Pode comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Así mesmo, acordouse citarlo para a súa asistencia ao acto de xuízo, a fin de practicar, se é o caso, a proba de interrogatorio de parte solicitada polo demandante, con apercibimento de que, de non comparecer e ser admitida a proba proposta, poderanse ter por certos os feitos da demanda en que interviñese persoalmente e lle resultaren en todo ou en parte prexudiciais.

No caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, poñerá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, con obxecto de que, trasladada tal intención ao demandanre, poida este estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que sirva de citación a Cervecería Forum, S.L., expídese a presente cédula para a súa publicación no DOG.

Lugo, 30 de abril de 2021

O letrado da Administración de xustiza