Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento SSS 679/2020, seguido por instancia de Ana Virginia Sánchez Blanco contra o Instituto Nacional da Seguridade Social, Tesouraría Xeral da Seguridade Social, Ibermutua, Pescanova España, S.L.U., Nortempo Empresa de Trabajo Temporal, S.L., sobre determinación de incapacidade, se ditou Sentenza número 144/2021, do 23 de marzo, en que se desestima a demanda, contra a cal cabe interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito presentado neste xulgado dentro dos cinco días seguintes ao da publicación deste edicto. O texto íntegro da resolución está á disposición dos interesados no propio xulgado.

E para que sirva de notificación en legal forma a Nortempo Empresa de Trabajo Temporal, S.L., en ignorado paradoiro, expido o presente edicto para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 26 de abril de 2021

A letrada da Administración de xustiza