Eu, María Mercedes Santos García, letrada da Administración de xustiza do Xulgado do Social número 6 da Coruña, fago saber que no procedemento PO 940/2019, seguido por instancia de Lourdes Adriana Fraga Lamas contra Empresa Municipal de Aguas de La Coruña, S.A. (Emalcsa), Nortempo ETT, S.L., Kylos Informática, S.L., Consellos Informáticos, S.L., Grupo Clave Consultores, S.A., con intervención do Fondo de Garantía Salarial, sobre recoñecemento de antigüidade e reclamación de cantidade, se ditou Sentenza número 177/2021, do 16 de abril, en que se desestima a demanda, contra a cal cabe interpoñer recurso de suplicación ante o Tribunal Superior de Xustiza, que se deberá anunciar por comparecencia ou mediante escrito presentado neste xulgado dentro dos cinco días seguintes ao da publicación deste edicto. O texto íntegro da resolución está á disposición dos interesados no propio xulgado.

E para que sirva de notificación en legal forma a Kylos Informática, S.L. e Consellos Informáticos, S.L., en ignorado paradoiro, expido o presente edicto para a súa inserción no Diario Oficial de Galicia.

Advírtese o destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 22 de abril de 2021

A letrada da Administración de xustiza