Visto o expediente instruído para os efectos de transmisión inter vivos dun parque de cultivo e da concesión administrativa que o ampara, resulta:

a) Antecedentes de feito:

Primeiro. Marcelino Acuña, S.A. (A36004364), en virtude do cambio de dominio publicado no DOG núm. 116, do 20 de xuño de 2019, é titular dun parque de cultivo mariño de 2.000 m2 de dominio público marítimo-terrestre en Santo Adrán de Cobres, Vilaboa (Pontevedra).

Segundo. Mediante escrito do 27 de abril de 2021, Marcelino Acuña, S.A. solicitou autorización para a transmisión da titularidade e da concesión administrativa do parque de cultivo mariño de que é titular.

Terceiro. Os interesados achegaron a documentación requirida para a tramitación.

Cuarto. No expediente figura a seguinte documentación, referida ao resultado da información oficial:

– Informe técnico biolóxico do 7.5.2021, da Xefatura Territorial da Consellería do Mar en Vigo.

b) Consideracións legais e técnicas:

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 8 de setembro de 2017, de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. O expediente seguiu todos os trámites establecidos no procedemento administrativo común, coas especialidades previstas no Decreto 274/2003, do 4 de xuño, polo que se regula o procedemento de obtención do permiso e concesión de actividade para os establecementos de acuicultura e auxiliares de acuicultura na zona terrestre (DOG núm. 110, do 9 de xuño).

Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e demais normas de xeral e pertinente aplicación, esta consellería resolve:

Autorizar a transmisión inter vivos, a favor de Mariscos Antón Fernández, S.L.U.
(B70451018), do parque de cultivo mariño e da concesión administrativa que o ampara, que se indica a continuación:

Identificación:

Tipo: parque de cultivo.

Especies: ameixa fina (Ruditapes decussatus), ameixa babosa (Venerupis corrugata), ameixa xaponesa (Ruditapes philippinarum), ostra plana (Ostrea edulis), ostra rizada (Magallana gigas), berberechos (Cerastoderma edule e Cerastoderma glaucum).

Localización: Santo Adrán de Cobres, Vilaboa (Pontevedra).

Título habilitante: concesión.

Data de outorgamento: Orde ministerial do 5.4.1973 (BOE núm. 117, do 16.5.1973).

Superficie de dominio público marítimo-terrestre: 2.000 m2.

Remate da vixencia: 3.8.2026.

Actual titular: Marcelino Acuña, S.A. (A36004364).

Nova titular: Mariscos Antón Fernández, S.L.U. (B70451018).

Baixo as seguintes condicións:

Primeira. A actual titular deberá presentar no prazo máximo dun mes, contado desde o día seguinte ao da publicación desta resolución no Diario Oficial de Galicia, orixinal ou fotocopia cotexada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segunda. Transcorrido o prazo indicado na condición primeira sen ter presentado a documentación requirida, a autorización quedará sen efecto, logo de comunicación por parte da consellería.

Terceira. A nova titular da concesión queda subrogada nos dereitos e obrigas da anterior, desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

Vigo, 10 de maio de 2021

A conselleira do Mar
P.D. (Orde do 8.9.2017)
Sonia Lorenzo Santos
Xefa territorial de Vigo