DOG 81 do 30/04/2021 - RESOLUCIÓN do 9 de abril de 2021, da Xefatura Territorial de Pontevedra, pola que se anuncia o levantamento das actas previas á ocupación dos bens e dereitos afectados pola instalación eléctrica denominada LMTS LES809 e CTC Couso II, no concello da Estrada, de que resulta beneficiaria a empresa UFD Distribución Electricidad, S.A. (expediente IN407A 2019/088-4).

VI. Anuncios

a) Administración autonómica

Vicepresidencia segunda e Consellería de Economía, Empresa e Innovación

RESOLUCIÓN do 9 de abril de 2021, da Xefatura Territorial de Pontevedra, pola que se anuncia o levantamento das actas previas á ocupación dos bens e dereitos afectados pola instalación eléctrica denominada LMTS LES809 e CTC Couso II, no concello da Estrada, de que resulta beneficiaria a empresa UFD Distribución Electricidad, S.A. (expediente IN407A 2019/088-4).

A instalación denominada LMTS LES809 e CTC Couso II, no concello da Estrada, foi declarada de utilidade pública mediante a Resolución do 4 de setembro de 2020, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.

Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 13 de maio de 2021, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello da Estrada.

Os interesados recibirán unha notificación individual coa debida antelación legal, en que se lles comunicará a data e a hora en que deberán presentarse nos seus predios. Infórmase de que poderán ir acompañados por un perito ou un notario, pola súa conta, se así o consideran conveniente.

Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.

Vigo, 9 de abril de 2021

O xefe territorial de Pontevedra
P.A. (Artigo 36.3 en relación co 37.1 do Decreto 230/2020, do 23 de decembro)
Eugenio Fernández Piñeiro
Xefe do Servizo de Administración Industrial de Pontevedra

ANEXO

LMTS LES809 e CTC Couso II (A Estrada).

Nº	Ref. catastral	Lugar	Cultivo	Nome e apelidos	nº apoio	m² solo	m² subsolo	Concello
1	36017J523003920000OQ	Plumares	Agrario	Descoñecido	-	-	6,56	A Estrada
2	36017J523003910000OG	Plumares	Labor	Descoñecido	-	-	4,81	A Estrada
3	36017J523004110000OZ	Francés	Agrario	Descoñecido	CT	12,96	14,6	A Estrada