Antecedentes:
Primeiro. O día 14 de xuño de 2019 publicouse no Diario Oficial de Galicia (núm. 112) o Anuncio do 29 de maio de 2019 polo que se somete ao trámite de información pública o proxecto de construción denominado Fomento da mobilidade sustentable, senda na PO-313, treito Pardavila-Cadro, puntos quilométricos 3+330-4+130, de clave PO/17/057.06, así como a relación individual de bens, dereitos e propietarios afectados polo proxecto referido.
Segundo. Após a análise dos informes e certificados presentados, o 7 de outubro de 2019 apróbase o expediente de información pública e definitivamente o proxecto de construción denominado Fomento da mobilidade sustentable, senda na PO-313, treito Pardavila-Cadro, puntos quilométricos 3+330-4+130, de clave PO/17/057.06.
O obxecto da actuación é a construción dunha senda peonil e ciclista na marxe esquerda da estrada PO-113, no treito comprendido entre os puntos quilométricos 3+330 e 4+130, no concello de Marín (Pontevedra), coa finalidade de mellorar a seguridade viaria na zona e fomentar a mobilidade sustentable.
Así mesmo, realizaranse unha serie de actuacións complementarias da principal: reposición da rede de drenaxe e servizos afectados, relocalización de diversos elementos urbanos, acondicionamento da marxe da estrada, etc.
A competencia para a execución da expropiación forzosa, no ámbito das estradas non incorporadas á rede do Estado, con itinerarios que se desenvolvan integramente no seu territorio, corresponde á Comunidade Autónoma de Galicia, ao abeiro do número dous do artigo 28 do Estatuto de autonomía de Galicia, aprobado pola Lei orgánica 1/1981, do 6 de abril.
Corresponde ao Consello da Xunta de Galicia, como órgano equivalente ao Consello de Ministros no ámbito da administración autonómica, o recoñecemento concreto da utilidade pública e a declaración da urxente ocupación dos bens afectados pola expropiación a que dá lugar a realización da obra, segundo o previsto nos artigos 10 e 52 da Lei do 16 de decembro de 1954, de expropiación forzosa.
Na súa virtude, por proposta da conselleira de Infraestruturas e Mobilidade e logo da deliberación do Consello da Xunta de Galicia, na súa reunión do día oito de abril de dous mil vinte e un,
DISPOÑO:
Artigo único
Declarar, en concreto, a utilidade pública e a necesidade de urxente ocupación para os efectos de expropiación forzosa, dos bens e dereitos que se concretan no expediente administrativo instruído, así como en calquera das modificacións que sexa necesario realizar para a execución do proxecto de construción denominado Fomento da mobilidade sustentable, senda na PO-313, treito Pardavila-Cadro, puntos quilométricos 3+330-4+130, de clave PO/17/057.06.
Santiago de Compostela, oito de abril de dous mil vinte e un
Alberto Núñez Feijóo
Presidente
Ethel Mª Vázquez Mourelle
Conselleira de Infraestruturas e Mobilidade