Manuel Ángel Otero Legide, alcalde do Concello de Mondoñedo (Lugo), no exercicio das competencias que me atribúe o artigo 21.1 da Lei 7/1985, do 2 de abril, expoño:

Descoñecido o enderezo para os efectos de notificacións dos interesados no expediente e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, por medio do presente comunícase que, o día 29 de marzo de 2021 ditouse orde de xestión da biomasa das parcelas con referencia catastral 3393014 PJ3039 S0001 IJ e 27030 B501001500000 KS, situadas no termo municipal de Mondoñedo.

Os titulares das ditas parcelas deberán rozalas e limpalas de conformidade co diposto no artigo 21.1.b) da Lei 3/2007, do 9 de abril, de prevención e defensa contra os incendios forestais de Galicia.

Esta orde de xestión deberá executarse no prazo máximo de 10 días contados desde a publicación do presente anuncio.

De non levar a puro e debido efecto o cumprimento da orde de xestión, o concello procederá á súa execución subsidiaria á conta do infractor.

Mondoñedo, 8 de abril de 2021

Manuel Ángel Otero Legide
Alcalde