A Orde do 30 de decembro de 2020 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa para segundos fillos ou fillas e sucesivos/as en escolas infantís 0-3 e se procede á súa convocatoria para os anos 2021 e 2022 (código de procedemento BS420C) determina no seu artigo 2 que ás axudas que se establecen no seu articulado se destina un orzamento total de 10.636.364 euros, coa seguinte desagregación:
Aplicación orzamentaria |
Código proxecto |
Ano 2021 |
Ano 2022 |
Total |
2021.13.02.312B.470.2 |
2020-00052 |
6.000.000 € |
3.818.182 € |
9.818.182 € |
2021.13.02.312B.481.3 |
2015-00477 |
500.000 € |
318.182 € |
818.182 € |
Total |
6.500.000 € |
4.136.364 € |
10.636.364 € |
A devandita orde establece, no seu artigo 2.2, que o crédito consignado na aplicación 2020.13.02.312B.470.2 poderá ser obxecto de ampliación, tal e como se establece no artigo 7.un.s) da Lei 3/2021, do 28 de xaneiro, de orzamentos xerais da Comunidade Autónoma de Galicia para o ano 2021.
Dada a insuficiencia de crédito da Orde do 30 de decembro de 2020 debido ao aumento do número de solicitudes e do número de nenos/as segundos irmáns e sucesivos/as beneficiarios/as da gratuidade da atención educativa e da matrícula é necesario incrementar a aplicación orzamentaria 13.02.312B.470.2 en 3.500.000 euros para o ano 2021 e 2.250.000 euros para a anualidade 2022 para atender todas as solicitudes presentadas e, posto que existe crédito dispoñible na aplicación orzamentaria 13.02.312B.480.12 que cumpre os requisitos establecidos no artigo 30.2 do Decreto 11/2009, do 8 de xaneiro, parece oportuno realizar o dito incremento.
Con este incremento preténdese dar cumprimento a un dos obxectivos do Programa de apoio á natalidade posto en marcha pola Xunta de Galicia, que é facilitar á cidadanía o acceso a recursos de educación infantil de calidade, dado que constitúen un piar esencial para facilitar a conciliación da vida familiar e laboral.
Por todo o exposto e no uso das facultades que me foron conferidas,
RESOLVO:
Artigo único. Incremento dos créditos
Increméntase o crédito destinado ao financiamento das axudas previstas na Orde do 30 de decembro de 2020 pola que se regulan as bases que rexerán o procedemento de concesión de axudas a entidades privadas para o fomento da gratuidade da atención educativa para segundos fillos ou fillas e sucesivos/as en escolas infantís 0-3 e se procede á súa convocatoria para os anos 2021 e 2022 (código de procedemento BS420C). O importe total do dito incremento, que se realizará na aplicación orzamentaria 2021.13.02.312B.470.2, é o seguinte.
Código proxecto |
Ano 2021 |
Ano 2022 |
Total |
2020-00052 |
3.500.000 |
2.250.000 |
5.750.000 € |
A publicación desta orde non supón a apertura dun novo prazo de presentación de solicitudes.
Disposición derradeira única. Entrada en vigor
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 16 de abril de 2021
Fabiola García Martínez
Conselleira de Política Social