De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade da seguinte encomenda coas seguintes características:

– Resolución do 17 de marzo de 2021, do conselleiro de Sanidade, pola que se lle encomenda á Axencia Galega de Infraestruturas a xestión das actuacións para a adxudicación e execución do contrato de servizo de redacción do documento para tramitación urbanística, anteproxecto, proxecto básico, de execución, de expropiación por taxación conxunta, dirección facultativa da obra e control de vixilancia do novo Complexo Hospitalario Universitario da Coruña.

– Actividade: a Axencia Galega de Infraestruturas asumirá a execución da xestión das actuacións para a adxudicación e execución do contrato de servizo de redacción do documento para tramitación urbanística, anteproxecto, proxecto básico, de execución, de expropiación por taxación conxunta, dirección facultativa da obra e control de vixilancia do novo Complexo Hospitalario Universitario da Coruña.

– Natureza e alcance da xestión encomendada: a encarga ten natureza de encomenda intersubxectiva a medio propio, segundo o disposto no artigo 13.1 da Lei 14/2013, do 26 de decembro, de racionalización do sector público autonómico, e nos artigos 9 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, ao ter a Axencia Galega de Infraestruturas a consideración de medio propio e servizo técnico da Administración da Comunidade Autónoma de Galicia.

– Financiamento: a realización das actividades e/ou actos e negocios xurídicos necesarios para a execución desta encomenda de xestión por parte da Axencia Galega de Infraestruturas efectuarase a título gratuíto, sen que exista retribución ou tarifa.

– Prazo de vixencia: a eficacia da encomenda para a xestión das actuacións para a execución do contrato de servizo estenderase desde o día seguinte ao da súa sinatura ata a data de finalización do prazo de garantía daquel.

Santiago de Compostela, 25 de marzo de 2021

Julio García Comesaña
Conselleiro de Sanidade