Conforme o disposto no artigo 70 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público; no artigo 19 da Lei 11/2020, do 30 de decembro, de orzamentos xerais do Estado para o ano 2021; nos artigos 12 e 36 da Lei 3/2021, do 28 de xaneiro, de orzamentos xerais da Comunidade Autónoma de Galicia para 2021; no artigo 62.2 da Lei orgánica 6/2001, do 21 de decembro, de universidades, así como nos estatutos da Universidade da Coruña (UDC) e no Acordo do Consello de Goberno do 25 de febreiro de 2021, polo que se aproba a oferta pública de emprego para o ano 2021 das prazas estables de persoal docente e investigador da Universidade da Coruña, logo da negociación cos órganos de representación do persoal docente e investigador e unha vez obtida a autorización da Consellería de Facenda da Xunta de Galicia, con data do 11 de marzo de 2021, tal e como se determina nos artigos 12 e 36 da Lei 3/2021,
RESOLVO:
Primeiro. Publicar a oferta de emprego público (OEP) do persoal docente e investigador da UDC para o ano 2021.
Segundo. En aplicación do artigo 19.un.3.I) da Lei 11/2020, dentro do límite da taxa de reposición correspondente ao corpo de profesores titulares de universidade e aos profesores contratados doutores, destínanse dez prazas (tres de profesor/a titular e sete de contratado/a doutor/a) para a incorporación de persoal investigador doutor que finalizase o programa Ramón y Cajal e obtivese o certificado I3. No caso de que non se utilicen todas as prazas previstas nesta reserva, estas poderanse ofertar a outros investigadores de programas de excelencia, nacionais ou internacionais que obtivesen o certificado I3.
Terceiro. As convocatorias dos concursos de acceso derivados desta oferta publicaranse no Boletín Oficial del Estado e no Diario Oficial de Galicia, para garantir a publicidade exixida nos artigos 62 e 48.3 da Lei 6/2001, do 21 de decembro, de universidades, e executaranse dentro do prazo máximo previsto no artigo 70 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público.
Esta oferta de emprego inclúe as necesidades de recursos humanos de carácter permanente no ámbito docente e investigador con asignación orzamentaria que non poden ser cubertas cos efectivos de persoal existentes, segundo se detalla no anexo.
Esta oferta realízase conforme os requisitos establecidos na Lei 11/2020, do 30 de decembro, de orzamentos xerais do Estado para o ano 2021. O artigo 12.tres da Lei 3/2021, do 28 de xaneiro, de orzamentos xerais da Comunidade Autónoma de Galicia para 2021, establece que a oferta pública de emprego se adaptará aos límites e aos restantes requisitos que se establezan na normativa básica estatal. En consecuencia, esta oferta, de ser o caso, poderá modificarse para axustarse ao disposto na devandita normativa básica.
A OEP das mencionadas prazas non afecta o cumprimento dos obxectivos de estabilidade orzamentaria establecidos para a Universidade da Coruña, nin aos demais límites fixados na Lei orgánica 2/2012, do 27 de abril, de estabilidade orzamentaria e sustentabilidade financeira.
A Coruña, 16 de marzo de 2021
Julio Ernesto Abalde Alonso
Reitor da Universidade da Coruña
ANEXO
Oferta de emprego público do persoal docente e investigador da Universidade da Coruña para o ano 2021
1. Sistema de acceso libre.
1.1. Persoal docente e investigador dos corpos docentes universitarios.
Corpo |
Número de prazas |
Profesor/a titular de universidade |
28 |
Tres das prazas resérvanse para persoal investigador doutor que finalizase o programa Ramón y Cajal e dispoña da certificación I3. No caso de que non se utilicen todas as prazas previstas nesta reserva, estas poderanse ofertar a outros investigadores de programas de excelencia, nacionais ou internacionais que obtivesen o certificado I3. |
1.2. Persoal docente e investigador contratado.
Categoría |
Número de prazas |
Profesor/a contratado/a doutor/a |
33 |
Sete das prazas resérvanse para persoal investigador doutor que finalizase o programa Ramón y Cajal e dispoña da certificación I3. No caso de que non se utilicen todas as prazas previstas nesta reserva, estas poderanse ofertar a outros investigadores de programas de excelencia, nacionais ou internacionais que obtivesen o certificado I3. |
2. Sistema de acceso de promoción interna.
En aplicación do disposto na disposición derradeira segunda do Real decreto lei 10/2015, do 11 de setembro, que modifica o artigo 62.2 da Lei orgánica 6/2001, do 21 de decembro, de universidades, inclúense na OEP para o ano 2021 as seguintes prazas polo procedemento de promoción interna:
Corpo |
Número de prazas |
Catedrático/a de universidade |
10 |