Tras ser convocada mediante a Resolución do 17 de novembro de 2020 (DOG nº 240, do 27 de novembro) a cobertura, mediante vinculación temporal, de tres prazas da categoría de médico xeral do CTG (na actualidade, ADOS), esta dirección, en virtude das competencias atribuídas polo Decreto 137/2019, do 10 de outubro (DOG nº 208, do 31 de outubro) polo que se establece a estrutura orgánica do Servizo Galego de Saúde, a Orde do 22 de abril de 2020 (DOG nº 82, do 29 de abril), sobre delegación de competencias en órganos centrais e periféricos do Servizo Galego de Saúde, e o Decreto 142/2015, do 17 de setembro, polo que se crea a Axencia de Sangue, Órganos e Tecidos e se aproban os seus estatutos (DOG nº 197, do 15 de outubro).

Como consecuencia da Resolución do 15 de febreiro de 2021, da Axencia Galega de Sangue, Órganos e Tecidos, pola que se resolve a convocatoria pública, para vinculación temporal, de tres prazas da categoría de médico xeral do CTG (na actualidade, ADOS) (DOG nº 34, do 19 de febreiro), quedou deserta a cobertura da praza ofertada en Lugo.

RESOLVE:

Primeiro. De conformidade coa base sétima da convocatoria, declárase como aspirante adxudicataria para o nomeamento da praza ofertada en Lugo a Luz Estela Sarmiento Castro, tras a renuncia de dous candidatos con maior puntuación.

A asignación da praza terá lugar o martes 16 de marzo de 2021, ás 10.00 horas, na Axencia Galega de Sangue, Órganos e Tecidos, sita en Xoaquín Díaz de Rábago, 2-6, 15705 Santiago de Compostela.

Segundo. Contra a presente resolución poderá interporse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado a partir do día seguinte ao da súa publicación nos termos dos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 9 de marzo de 2021

María Luisa López García
Directora da Axencia Galega de Sangue, Órganos e Tecidos