Eu, Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fago saber que no procedemento ordinario 141/2019 deste xulgado do social, seguido por instancia de Julio César Ferreiro Pallas contra Sacyr Fluor, S.A., Fondo de Garantía Salarial e Metal Works and Structures, S.L., sobre ordinario, se ditou a seguinte resolución:

«Que debo estimar substancialmente a demanda presentada por instancia de Julio César Ferreiro Pallas contra a entidade Metal Works and Structures, S.L., o seu administrador concursal e Fogasa, e debo condenar a demandada Metal Works and Structures, S.L. ao aboamento á demandante da cantidade de 4.911,82 euros como cantidades debidas, máis os xuros previstos no artigo 29.3 do Estatuto dos traballadores (ET) sobre a dita cantidade, devindicados desde a data de presentación da papeleta de conciliación (STS do 17 de xuño de 2014) ata esta resolución, e os do artigo 576 da Lei de axuizamento civil (LAC) a partir desta resolución.

Imponse a cantidade de 200 euros en concepto de honorarios.

Debo condenar e condeno o administrador concursal da entidade Metal Works and Structures, S.L. a aterse ás anteriores declaracións e condenas, na súa única condición de administrador concursal da citada entidade.

Debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 do Estatuto dos traballadores.

Debo absolver e absolvo a mercantil Sacyr Fluor, S.A. dos pedimentos deducidos na súa contra.

Notifíqueselles ás partes esta resolución.

Modo de impugnación. Advírteselles ás partes que contra esta resolución poderán interpoñer recurso de suplicación, ante o Tribunal Superior de Xustiza, que deberá ser anunciado por comparecencia ou mediante escrito presentado na oficina xudicial dentro dos cinco días seguintes ao da notificación desta sentenza, ou por simple manifestación no momento en que se lle realice a notificación. Advírtaselle igualmente ao recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto a nome desta oficina xudicial, co número 1596, clave 65, e indicar, no campo Concepto, recurso seguido do código 34 Social suplicación, acreditado mediante a presentación do xustificante de ingreso no período comprendido ata a formalización do recurso, así como, no caso de ser condenado en sentenza ao pagamento dalgunha cantidade, deberá consignar na conta de depósitos e consignacións aberta a cantidade obxecto de condena, ou formalizar aval bancario a primeiro requirimento indefinido pola dita cantidade en que se faga constar a responsabilidade solidaria do avalista, e incorporalos a esta oficina xudicial co anuncio de recurso. En todo caso, o recorrente deberá designar letrado para a tramitación do recurso, no momento de anuncialo.

A anterior resolución entregaráselle ao letrado da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.

Pronúncioo, mándoo e asínoo por esta a miña sentenza, xulgando definitivamente na primeira instancia».

Para que sirva de notificación en legal forma a Metal Works and Structures, S.L., en ignorado paradoiro, expido este edicto para a súa inserción no boletín oficial correspondente.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 12 de febreiro de 2021

A letrada da Administración de xustiza