Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o xurado, na reunión que tivo lugar o 17 de setembro de 2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión do xurado provincial o día 11 de xaneiro de 2021, figuran os seguintes acordos:
– Monte Mosteiro (expediente 130/78), pertencente aos veciños do lugar de Mosteiro, na parroquia de Mosteiro, concello de Navia de Suarna.
O 4 de xuño de 2019, tivo entrada unha solicitude asinada polo presidente da comunidade para que se revise o esbozo conforme a documentación que achega. Esta solicitude foi emendada o 2 de marzo de 2020. O 6 de abril de 2020, o Servizo de Montes elabora unha proposta de novo esbozo (núm. 2019_43) en que a superficie do monte de Mosteiro pasa a ser de 174,45 hectáreas, de conformidade coa nova cartografía.
Unha vez examinada a dita proposta, o xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo I, ao final deste anuncio.
– Monte Lamabranca, Lagoa e Paramelo (expediente 43/80), pertencente aos veciños da parroquia de Coeses, concello de Lugo.
O 3 de xullo de 2019, tivo entrada unha solicitude asinada polo presidente da comunidade para que se revise o esbozo conforme a documentación que achega. Esta solicitude foi emendada o 8 de xuño de 2020. O 12 de xuño de 2020, o Servizo de Montes elabora unha proposta de novo esbozo (núm. 2019_51) en que a superficie do monte de Lamabranca, Lagoa e Paramelo pasa a ser de 137,7 hectáreas, de conformidade coa nova cartografía.
Unha vez examinada a dita proposta, o xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo II, ao final deste anuncio.
– Monte de Seoane (expediente 107/77), pertencente aos veciños do lugar de Seoane, na parroquia de Lamas de Moreira, concello da Fonsagrada.
O 8 de maio de 2018, tivo entrada unha solicitude asinada polo presidente da comunidade para que se revise o esbozo conforme a documentación que achega. Así mesmo, o 13 de xuño de 2019, a comunidade presentou unha solicitude complementaria da anterior. O 18 de maio de 2020, o Servizo de Montes elabora unha proposta de novo esbozo (núm. 2018_41) en que a superficie do monte de Seoane pasa a ser de 188,4 hectáreas, de conformidade coa nova cartografía.
Unha vez examinada a dita proposta, o xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo III, ao final deste anuncio.
– Monte As Casas do Río (expediente 106/78), pertencente aos veciños do lugar das Casas do Río, na parroquia de Son, concello de Navia de Suarna.
O 23 de outubro de 2018, tivo entrada unha solicitude asinada polos dous comuneiros das Casas do Río coa finalidade de revisar o esbozo conforme a documentación que achegan. O 30 de agosto de 2019, a comunidade presentou unha nova proposta de esbozo, tras serlle requirida unha emenda. O 4 de decembro de 2020, o Servizo de Montes elabora unha proposta de novo esbozo (núm. 2018_82) en que a superficie do monte das Casas do Río pasa a ser de 64 hectáreas, de conformidade coa nova cartografía.
Unha vez examinada a dita proposta, o xurado, por unanimidade, acorda aceptala e incorporar o novo esbozo ao expediente.
O novo esbozo correspóndese co plano do anexo IV, ao final deste anuncio.
Contra os estes acordos, desde o día seguinte ao da súa publicación no Diario Oficial de Galicia, poderase interpoñer recurso potestativo de reposición, ante o Xurado Provincial de Montes Veciñais en Man Común de Lugo, no prazo dun mes, ou ben directamente recurso contencioso-administrativo, ante o Xulgado do Contencioso-Administrativo de Lugo, no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 19 de xaneiro de 2021
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo